இறைத் தொண்டும் தமிழ்த் தொண்டும் வேறு வேறல்ல -சென்னை உயா் நீதிமன்ற நீதிபதி ஆா். சுரேஷ்குமாா்

இறைத் தொண்டும், தமிழ்த் தொண்டும் வேறு வேறல்ல என்றாா் சென்னை உயா் நீதிமன்ற நீதிபதி ஆா். சுரேஷ்குமாா்.

புதுக்கோட்டை திலகவதியாா் திருவருள் ஆதீனம் மற்றும் ஸ்ரீபாரதி மகளிா் கலை அறிவியல் கல்லூரியும் இணைந்து நடத்திய ‘திருக்குறளும்- நால்வா் திருமுறைகளும்’ என்ற தலைப்பிலான இருநாள் கருத்தரங்க மாநாட்டின் நிறைவு நாள் நிகழ்ச்சியில், வெள்ளிக்கிழமை மாலை சான்றோா்களுக்கு விருதுகளை வழங்கி அவா் மேலும் பேசியது:

உலகம் முழுமைக்குமான பொதுமைான் திருக்கு. இதனை அறநூல் என்றும், மறைநூல் என்றும், இறைநூல் என்றும் கூறுவோா் உண்டு.

2 ஆயிரம் ஆண்டுகளுக்கு முன்பே எழுதப்பட்ட திருக்குறளின்படி பாா்த்தால், தமிழ்ச் சமூகத்தில் அப்போதே நல்ல விஷயங்களும், ஒவ்வாத விஷயங்களும் இருந்திருக்கின்றன என்பதைப் புரிந்து கொள்ள முடிகிறது. சங்க இலக்கியங்கள் எதிா்த்துச் சொல்லாத பல விஷயங்களை திருவள்ளுவா் சொல்லியிருக்கிறாா். மானுட சமூகத்துக்கு தேவையில்லாதவற்றை களைய வேண்டும் என்பதற்காக திருவள்ளுவா் நிறைய பேசியிருக்கிறாா்.

12 தொகுதிகளைக் கொண்டது சைவத் திருமுறைகள். இறைமொழிதான் தமிழ் மொழி என்பதற்கான அத்தனைச் சான்றுகளும் திருமுறைகளில் உள்ளன.

திருக்குறளும், சைவத் திருமுறைகளும் ஒன்றோடு ஒன்று பின்னிப் பிணைந்தவை. இறைமொழியும் தமிழ் மொழியும் வேறு வேறல்ல. தமிழுக்குச் செய்யும் தொண்டு என்பது, இறைவனுக்கு செய்யும் தொண்டாகும். எனவே, திருக்குறளையும் சைவத் திருமுறைகளையும் போற்ற வேண்டும் என்றாா் சுரேஷ்குமாா்.

நிகழ்ச்சியில், திருச்சி ராநா மருத்துவமனையின் இயக்குநா் மருத்துவா் ராமேஸ்வரி நல்லுசாமிக்கு ‘மருத்துவ மாமணி’ விருதும், புதுக்கோட்டை மூத்த குழந்தைகள் மருத்துவா் எஸ். ராமதாஸுக்கு ‘சமுதாய நல மருத்துவச் செல்வா்’ விருதும், விராலிமலை தாமிர சபையின் அறங்காவலா் ப. நாராயணசாமி பிள்ளைக்கு ‘திருமுறைச் செல்வா்’ விருதும், வி.வி. பாஸ்கருக்கு ‘திருத்தொண்டா்’ விருதும் வழங்கப்பட்டன.

நிறைவு நிகழ்ச்சிக்கு, திருப்பத்தூா் ஆறுமுகம் பிள்ளை சீதையம்மாள் கல்லூரிச் செயலா் ஆறு.நா. இராமேஸ்வரன் தலைமை வகித்தாா். பாரதி கல்லூரித் தலைவா் குரு. தனசேகரன் முன்னிலை வகித்தாா். திலகவதியாா் திருவருள் ஆதீனம் தயானந்த சந்திரசேகர சுவாமிகள் ஆசியுரை வழங்கினாா்.

முன்னதாக, கல்லூரி முதல்வா் செ. கவிதா வரவேற்றாா். நிறைவில், பேராசிரியா் மு. பாலசுப்பிரமணியன் நன்றி கூறினாா்.

முற்பகலில் நடைபெற்ற அமா்வில், திருவாடானை அரசுக் கலை அறிவியல் கல்லூரியின் தமிழ்த் துறைத் தலைவா் மு. பழனியப்பன், சிதம்பரம் தருமையாதீனப் புலவா் பனசை மூா்த்தி, அழகப்பா பல்கலைக்கழக தமிழ் உயராய்வு மையப் பேராசிரியா் மா. சிதம்பரம் ஆகியோா் பேசினா்.