உடையாா்பட்டி தேவாலயத்தில் திருவிழா கொடியேற்றம்

திருநெல்வேலி சந்திப்பு உடையாா்பட்டி திருஇருதய ஆண்டவா் தேவாலய திருவிழா கொடியேற்றத்துடன் வெள்ளிக்கிழமை தொடங்கியது.

இந்தத் தேவாலயத்தில் ஆண்டுதோறும் திருவிழா 10 நாள்கள் சிறப்பாக நடைபெறும்.

நிகழாண்டு விழாவையொட்டி சிறப்புத் திருப்பலி வெள்ளிக்கிழமை நடைபெற்றது. கத்தோலிக்க திருச்சபையின் பாளையங்கோட்டை மறைமாவட்ட முன்னாள் ஆயா் ஜூடு பால்ராஜ் திருப்பலிக்கு தலைமை வகித்து கொடியேற்றினாா்.

மறை வட்ட அதிபா் அந்தோனி வியாகப்பன் மறையுரையாற்றினாா். பங்குத்தந்தை மைக்கேல் ராசு, சரணாலயம் இயக்குநா் ஞான தினகரன் உள்பட 500-க்கும் மேற்பட்டோா் கலந்துகொண்டனா்.

தொடா்ந்து, திருவிழா நாள்களில் தினமும் மாலையில் நவநாள் சிறப்புத் திருப்பலி, மறையுரை நடைபெற உள்ளது.

இம் மாதம் 27 ஆம் தேதி பாளையங்கோட்டை மறைமாவட்ட ஆயா் அந்தோணிசாமி தலைமையில் திருப்பலியும், திருஇருதய திருவிழா, புதுநன்மை விழா மற்றும் திருவுருவப் பவனி நடைபெற உள்ளது.

29 ஆம் தேதி கொடியிறக்கம் மற்றும் திருப்பலி நடைபெற உள்ளது.