உதகை அருகே தொட்டபெட்டா மைனலைப் பகுதியில் வன விலங்கு தாக்கியதில் பெண் உயிரிழந்தாா்.
உதகையை அடுத்த தொட்டபெட்டா மைனலைப் பகுதியைச் சோ்ந்தவா் அஞ்சலை (55).
இந்நிலையில் கிராமத்தையொட்டிய சோலைப் பகுதியில் வன விலங்கு தாக்கிய நிலையில் அஞ்சலை சடலம் கிடந்ததை அருகிலுள்ள தேயிலைத் தோட்ட தொழிலாளா்கள் பாா்த்துள்ளனா்.
அவா்கள் கொடுத்த தகவலின்பேரில், காவல் துறையினா் மற்றும் வனத் துறையினா் சம்பவ இடத்துக்கு வந்து அஞ்சலையின் சடலத்தை மீட்டு உதகை அரசு மருத்துவமனைக்கு உடற்கூறாய்வுக்காக அனுப்பிவைத்தனா்.
இது குறித்து உதகை வனத் துறையினா் கூறியதாவது:
உயிரிழந்த பெண் சற்று மனநலம் குன்றியவா் என்று அப்பகுதி மக்கள்
தெரிவித்தனா். கிராமப் பகுதியில் சுற்றித் திரியும் அவரை வன விலங்கு தாக்கி இழுத்து சென்றிருக்கலாம். உடற்கூறாய்வு அறிக்கை கிடைத்த
பிறகே அப்பெண்ணை தாக்கிய வன விலங்கு சிறுத்தையா, புலியா என தெரியவரும் என்றனா்.
தொட்டபெட்டா, மைனலை உள்ளிட்ட பகுதிகளில் சிறுத்தை நடமாட்டம் அதிகம் இருப்பதாக வனத் துறைக்கு ஏற்கெனவே தகவல் தெரிவித்துள்ளதாக இப்பகுதி மக்கள் கூறினா்.
நிவாரண நிதி
வன விலங்கு தாக்கி உயிரிழந்த அஞ்சலையின் குடும்பத்துக்கு முதல்கட்டமாக ரூ. 50 ஆயிரம் நிவாரண உதவியை உதகை கோட்ட வனத் துறையினா் வழங்கினா்.
