செய்திகள் :

மீண்டும் மீண்டும்..! கோவை அவிநாசி சாலை மேம்பாலத்தில் திடீரென விழுந்த கான்கிரீட் - ஆடி கார் சேதம்!

post image

கோவை அவிநாசி சாலையில் உப்பிலிபாளையம் முதல் கோல்டுவின்ஸ் வரை சுமார் 10.10 கி.மீ தொலைவுக்கு உயர்மட்ட மேம்பாலம் அமைக்கும் பணிகள் நடைபெற்று வருகின்றன. பொதுவாக கோவையில் கடந்த சில ஆண்டுகளாக கட்டப்படும் பாலங்கள் அடுத்தடுத்து சர்ச்சையில் சிக்கி வருகின்றன. மற்ற மேம்பாலங்கள் கட்டி முடிக்கப்பட்டு பிறகு சர்ச்சையில் சிக்கின.

கோவை அவிநாசி சாலை மேம்பாலம் கான்கிரீட்

ஆனால் இந்த மேம்பாலம் கட்டும்போதே ஏராளமான சர்ச்சைகளில் சிக்கி வருகிறது. கடந்த டிசம்பர் மாதம் ஹோப்ஸ் காலேஜ் அருகே ஒரு கார் சென்று கொண்டிருக்கும்போதே, மேம்பாலத்தில் இருந்து திடீரென கான்கிரீட் கலவை பெயர்ந்து விழுந்தது.

அதில் காரின் முன் பகுதி கண்ணாடி உடைந்து பலத்த சேதமடைந்தது. இது கோவை மக்களிடம் அதிர்ச்சியை ஏற்படுத்தியது. அந்த வழித்தடத்தை தினசரி லட்சக்கணக்கான மக்கள் பயன்படுத்துகிறார்கள். “எனவே பணிகளை மிகுந்த முன் எச்சரிக்கையுடன் செய்ய வேண்டும். மக்களின் பாதுகாப்பை உறுதி செய்ய வேண்டும்.” என மக்கள் கோரிக்கை வைத்தனர்.

கோவை அவிநாசி சாலை மேம்பாலம்

இந்நிலையில் தனியார் மருத்துவமனையில் பணியாற்றி வரும் மருத்துவர் மேத்தீவ் செரியன் தன்னுடைய ஆடி சொகுசு காரில் நேற்று காலை மருத்துவமனைக்கு சென்று கொண்டிருந்தார். ஃபன் மால் அருகே வரும்போது மேம்பாலத்தில் இருந்து கான்கிரீட் பெயர்ந்து அவரின் கார் மீது விழுந்து முன் பகுதி கண்ணாடி உடைந்தது.

அதிர்ஷ்டவசமாக இந்த இரண்டு சம்பவங்களிலும் யாருக்கும் காயம் ஏற்படவில்லை. இதுகுறித்து மருத்துவர் மேத்தீவ் செரியன் கூறுகையில், “இதனால் என்னுடைய காரில் சுமார் ரூ.1 லட்சம் மதிப்பில் சேதம் ஏற்பட்டுள்ளது. பணத்துக்காக இதை கேள்வி எழுப்பவில்லை. இதுவே இருசக்கர வாகனத்தில் செல்வோர் மீது விழுந்திருந்தால் என்ன ஆகியிருக்கும்.

சேதமடைந்த கார்

இது முதல்முறை நிகழ்ந்த சம்பவம் அல்ல. வாகன ஓட்டிகளின் பாதுகாப்பு கேள்விக்குறியாகியுள்ளது. இதற்கு யார் பொறுப்பு ஏற்பார்கள்.” என்று  கேள்வி எழுப்பினார். இந்த சம்பவம் கோவை மக்களிடையே அதிர்ச்சியையும், அச்சத்தையும் ஏற்படுத்தியுள்ளது.

``நவராத்திரியில் மாதவிடாய்; விரதம் இருக்க முடியவில்லை..'' - மன உளைச்சலில் விபரீத முடிவெடுத்த பெண்!

உத்தரப்பிரதேச மாநிலம் ஜான்சியை சேர்ந்தவர் பிரியன்ஷா சோனி (36). ஆன்மீகத்தில் அதிக ஈடுபாடு கொண்டிருந்தார். கடந்த 30-ம் தேதி வசந்த நவராத்திரி விழா தொடங்கியது. வீட்டில் சிறப்பு பூஜைகள் செய்து வழிபட முடிவு... மேலும் பார்க்க

வாட்ஸ்அப்க்கு வந்த இன்ஸ்டா லிங்க் - ரூ.150க்கு ஆசைப்பட்டு ரூ.61 லட்சத்தை இழந்த மராத்தி நடிகர்!

நாட்டில் நாளுக்கு நாள் ஆன்லைன் மோசடிகள் அதிகரித்துக்கொண்டே செல்கிறது. இந்த மோசடியில் பொதுமக்கள் தொடர்ந்து கோடிக்கணக்கான பணத்தை இழந்து வருகின்றனர். அந்த பட்டியலில் மராத்தி நடிகர் சாகர் கராண்டே என்பவரும... மேலும் பார்க்க

'டெல்லி க்ரைம் பிராஞ்ச்ல இருந்து வரேன்' - கோவையில் சிக்கிய போலி அதிகாரி; அலட்சியம் காட்டியதா போலீஸ்?

டிஜிட்டல் அரெஸ்ட் என்கிற சைபர் க்ரைம் மோசடி நாடு முழுவதும் அதிகரித்து கொண்டிருக்கிறது. இந்த மோசடியில் போலி அதிகாரிகள் வீடியோ கால் மூலம் வந்து மிரட்டி பணம் சம்பாதித்து வந்தனர். இந்நிலையில் போலி அதிகாரி... மேலும் பார்க்க

மதுரை: 22 ஆண்டுகளாகத் தொடரும் பழிக்குப்பழி கொலைகள்; அதிர வைக்கும் அடுத்த சாப்டர்; பின்னணி என்ன?

'அடக்க முடியாத கோபத்தைக் கட்டி வை, காலம் உன்னிடம் வரும்போது ஒருவனையும் விடாதே... கருவறு..." - சமீபத்தில் மதுரையில் என்கவுன்டர் செய்யப்பட்ட சுபாஷ் சந்திரபோஸின் நண்பர்கள் முகநூலில் வெளியிட்ட அஞ்சலிக் கு... மேலும் பார்க்க

திருச்சி: விடுதி மாணவர்களுக்குப் பாலியல் தொல்லை; பாதிரியார் உள்ளிட்ட இருவர் கைது; பின்னணி என்ன?

திருச்சி மாவட்டம், சமயபுரம் அருகில் அரசு உதவிபெறும் மேல்நிலைப் பள்ளி செயல்பட்டு வருகிறது. இதன் அருகிலேயே பள்ளி மாணவர்கள் தங்கும் விடுதி ஒன்றும் உள்ளது. இதில், 110 மாணவர்கள் தங்கி கல்வி பயின்று வருகின்... மேலும் பார்க்க

”கலெக்டர் என்னோட ரிலேட்டிவ்” - ஆடிட்டரிடம் ரூ.1 கோடி மோசடி; இன்ஸ்பெக்டர் கைதின் பின்னணி என்ன?

தர்மபுரியில் பெண்கள் மற்றும் குழந்தைகளுக்கு எதிரான குற்றத்தடுப்பு பிரிவு இன்ஸ்பெக்டராக இருப்பவர் நெப்போலியன்.தஞ்சாவூர் மாவட்டம் கும்பகோணம் ராமசாமி கோவில் தெருவைச் சேர்ந்தவர் ஆடிட்டர் ரவிச்சந்திரன்(68... மேலும் பார்க்க