``நவராத்திரியில் மாதவிடாய்; விரதம் இருக்க முடியவில்லை..'' - மன உளைச்சலில் விபரீத முடிவெடுத்த பெண்!

உத்தரப்பிரதேச மாநிலம் ஜான்சியை சேர்ந்தவர் பிரியன்ஷா சோனி (36). ஆன்மீகத்தில் அதிக ஈடுபாடு கொண்டிருந்தார். கடந்த 30-ம் தேதி வசந்த நவராத்திரி விழா தொடங்கியது.

வீட்டில் சிறப்பு பூஜைகள் செய்து வழிபட முடிவு செய்த பிரியன்ஷா சோனி அதற்கான ஏற்பாடுகளை செய்திருந்தார். இதற்காக தனது கணவரிடம் சொல்லி பூஜைக்கு வேண்டிய பொருள்கள், பழம், பூ, விளக்கு போன்றவற்றை வாங்கி வரும்படி கூறினார். அவரது கணவரும் சோனி சொன்னபடி தேவையான பொருள்களை வாங்கிக்க்கொண்டு வந்தார்.

கடந்த 30ம் தேதி பூஜை தொடங்க இருந்த நிலையில், அன்று பிரியன்ஷா சோனி-க்கு மாதவிடாய் வந்தது. இதனால் வீட்டில் இருந்தவர்கள் அவரிடம் பூஜை செய்யவேண்டாம் என்று கேட்டுக்கொண்டனர். அதோடு விரதமும் இருக்கவேண்டாம் என்று கூறிவிட்டனர். இதனால் மன விரக்தி அடைந்த சோனி மிகவும் மன வருத்ததில் இருந்தார்.

நவராத்திரியில் கடவுளை வழிபடமுடியாமல், நோன்பு இருக்கமுடியாமல் போய்விட்டதே என்று கவலையில் இருந்தார். சோனியின் கணவர் அவரை சமாதாப்படுத்திவிட்டு வேலைக்கு சென்றார்.

அவர் வேலைக்கு சென்ற பிறகு சோனி அழுது கொண்டே வீட்டில் இருந்த பூச்சி மருந்தை எடுத்துக் குடித்துவிட்டார். உடனே அவரை உறவினர்கள் மருத்துவமனையில் சேர்த்தனர். சிகிச்சை முடிந்து வீட்டிற்கு வந்த நிலையில் மீண்டும் அவரது உடல்நிலை மோசம் அடைந்தது.

இதனால் முகேஷ் அவரை மீண்டும் மருத்துவமனையில் சேர்த்து சிகிச்சையளித்து வந்தார். சிகிச்சையில் இருந்தபோது தனது கணவரிடம் இருவருக்கும் ஜூஸ் வாங்கி வரும்படி கேட்டுக்கொண்டார். அவர் ஜூஸ் வாங்கி வந்த சிறிது நேரத்திற்கு சோனி இறந்து போனார்.

இது குறித்து முகேஷ் கூறுகையில், நவராத்திரிக்காக சோனி ஒரு ஆண்டாக காத்திருந்தார். ஆனால் அந்த நாள் வந்தபோது மாதவிடாய் உண்டானதால் எப்படி கடவுளை வழிபடுவது, பூஜைகள் செய்வது என்ற கவலையில் ஆழ்ந்தார். சோனி செய்ய வேண்டிய பூஜைகளை அவருக்காக நான் செய்வதாக சொன்னேன். ஆனால் அவர் தொடர்ந்து மனவருத்தத்தில் இருந்தார்'' என்று தெரிவித்தார்.

Vikatan WhatsApp Channel

இணைந்திருங்கள் விகடனோடு வாட்ஸ்அப்பிலும்... CLICK BELOW LINK

https://bit.ly/VikatanWAChannel