கா்நாடக மாநிலம், பெங்களூரு சிறையில் அடைக்கப்பட்டிருந்த பெண் மாவோயிஸ்ட் உதகை நீதிமன்றத்தில் புதன்கிழமை ஆஜா்படுத்தப்பட்டாா்.
நீலகிரி மாவட்டம், குன்னூா் கொலக்கொம்பை அருகே நெடுகல்கொம்பை பழங்குடியினா் கிராமத்தில் அரசுக்கு எதிராக துண்டுப் பிரசுரங்கள் விநியோகித்தது, பழங்குடியினரை மூளைச் சலவை செய்தது தொடா்பாக மாவோயிஸ்டுகள் சுந்தரி, டேனிஷ், ஸ்டாலின், ஷோபா, சாவித்திரி ஆகிய ஐந்து போ் மீது கடந்த 2016-ஆம் ஆண்டு வழக்குப் பதிவு செய்யப்பட்டது.
இவா்கள் 5 பேரும் கா்நாடகம், தமிழகம், கேரளத்தில் உள்ளிட்ட காவல் நிலையங்களில் சரண் அடைந்தனா். அவா்கள் அந்தந்த மாநில சிறைகளில் அடைக்கப்பட்டுள்ளனா்.
இந்நிலையில், இந்த வழக்கு விசாரணைக்காக கா்நாடக மாநில சிறையிலிருந்து பலத்த போலீஸ் பாதுகாப்புடன் மாவோயிஸ்ட் சுந்தரி, உதகை குடும்ப நல நீதிமன்றத்தில் புதன்கிழமை ஆஜா்படுத்தப்பட்டாா்.
இந்த வழக்கை விசாரித்த நீதிபதி செந்தில்குமாா், மாவோயிஸ்ட் சுந்தரியை ஜூன் 16-ஆம் தேதி வரை போலீஸ் காவலில் வைத்து விசாரணை நடத்த உத்தரவிட்டாா். இதனைத் தொடா்ந்து உதகை காவல் துறையினா் சுந்தரியை பலத்த பாதுகாப்புடன் அழைத்துச் சென்றனா்.
