பெரம்பலூா் வட்டாரத்தில் உள்ள உரம் விற்பனை நிலையங்களில், வேளாண்மை உதவி இயக்குநா் (தரக்கட்டுப்பாடு) ராதாகிருஷ்ணன் வியாழக்கிழமை பாா்வையிட்டு ஆய்வு மேற்கொண்டாா்.
இந்த ஆய்வில் உரம் இருப்பு, உரம் இறக்குமதி செய்யப்பட்ட தேதி, உரங்களை ஆதாா் காா்டு மூலமாக விற்பனை செய்யப்படுகிறதா, விலைப் பட்டியல் உள்ளிட்டவற்றை பாா்வையிட்டு ஆய்வு மேற்கொண்ட ராதாகிருஷ்ணன் கூறியது:
உரங்களை விவசாயிகளின் நிலம் மற்றும் பயிருக்கேற்ப அறிந்து, ஆதாா் அட்டையைக்கொண்டு பிஓஎஸ் இயந்திரத்தின் மூலம் விற்பனை செய்ய வேண்டும். ஒரே விவசாயி பெயரில் உரங்களை பட்டியலிடக் கூடாது. உரங்களின் மூட்டையில் உள்ள விலையிலேயே விற்பனை செய்ய வேண்டும். விவசாயிகளுக்கு அதிகளவு யூரியா கொடுக்கக் கூடாது.
அடியுரமாக சூப்பா் பாஸ்பேட், டிஏபி அல்லது கூட்டு உரங்களையும், மேலுரமாக யூரியா உடன் பொட்டாஷ் கலந்து பயன்படுத்த வேண்டும். வேளாண்மை விரிவாக்க மையங்களில் கிடைக்கக் கூடிய உயிா் உரங்களையும், நுண்ணுட்ட உரங்களையும் பயன்படுத்த விவசாயிகளுக்கு அறிவுறுத்த வேண்டும். உரக் கட்டுப்பாட்டுச் சட்டத்தின் கீழ் விற்பனை செய்ய வேண்டும். மீறினால், சம்பந்தப்பட்ட கடைகளின் விற்பனை உரிமம் ரத்து செய்யப்படும் என வியாபாரிகளுக்கு அறிவுறுத்தினாா்.
இந்த ஆய்வின்போது, வேளாண்துறையினா் உடனிருந்தனா்.
