பேரவையை அவமதித்துவிட்டார் ஆளுநர் ஆர்.என். ரவி: அமைச்சர் சிவசங்கர்
இரண்டாம் உலகப் போரின் போது அமெரிக்காவின் முத்து துறைமுகம் மீது 1941 ஆம் ஆண்டு ஜப்பான் நடத்திய தாக்குதலில் உயிர் தப்பிய கடற்படை மருத்துவர் ஹாரி சாண்ட்லர் தனது 103 வயதில் காலமானார்.
ஹாரி சாண்ட்லர் அமெரிக்காவின் ஃப்ளோரிடா மாகாணத்தின் டெகுஸ்டாவில் வசித்து வந்த நிலையில், வயது மூப்பு காரணமாக அவர் மரணமடைந்ததாக அவரது பேத்தி கெல்லியின் கணவர் ரோன் மஹாஃபே தெரிவித்துள்ளார்.
ஹாரி சாண்ட்லர் நீண்டகாலமாக இதயநோயால் பாதிக்கப்பட்டு வந்தார். இருப்பினும், வயது முதிர்வு மட்டுமே அவரது இறப்புக்கு முழுமையான காரணம் என்று மருத்துவர்கள் தெரிவித்தனர்.
1941 ஆம் ஆண்டு டிசம்பர் 7 ஆம் தேதி ஜப்பானின் போர் விமானம் அமெரிக்காவின் முத்து துறைமுகம் மீது குண்டுகளை வீசியதில் பலர் உயிரிழந்தனர். அப்போது போர் வீரர்களுக்கான மருத்துவமனையின் 3-வது வகுப்பில் ஹாரி சாண்ட்லர் பணியில் இருந்தார். எவ்வாறாயினும், அந்தத் தாக்குதலில் இருந்து ஹாரி சாண்ட்லர் உயிர் தப்பிய நிலையில், அந்தச் சம்பவமே 2-ஆம் உலகப் போருக்கான துவக்கமாக அமைந்தது.
2023 ஆம் ஆண்டு முத்து துறைமுகத் தாக்குதலின் 82 ஆம் நினைவு நாளன்று செய்தியாளர்களிடம் பேசிய ஹாரி சாண்ட்லர், “வெடிகுண்டு வீசிய விமானங்களை நான் நேரில் பார்த்தேன். அவற்றை உள்நாட்டு விமானம் என்று நினைத்திருந்தேன். ஆனால், அவை குண்டு வீச ஆரம்பித்ததும் எனக்குள் ஒருவித பயம் ஏற்பட்டது” என்று கூறியிருந்தார்.
அந்தத் தாக்குதலில் இருந்து உயிர் பிழைந்த அவர் காயமடைந்த வீரர்களுக்கு சிகிச்சை அளிக்கும் பணியில் ஈடுபட்டார். பின்னர் 1981 ஆம் ஆண்டு பணியில் இருந்து ஓய்வு பெற்றார்.
இந்தத் தாக்குதலில் 2,300-க்கும் மேற்பட்ட அமெரிக்க வீரர்கள் கொல்லப்பட்டனர். அரிசோனா கப்பலில் 1,177 பேர் மற்றும் மாலுமிகள் பலரும் உயிரிழந்தனர்.
ஹாரி சாண்ட்லருக்கு ஒரு மகளும், இரண்டு வளர்ப்பு மகளும் உள்ளனர். மேலும், 9 பேரக்குழந்தைகளும், 17 கொள்ளுப் பேரக்குழந்தைகளும் உள்ளனர்.
யுஎஸ்எஸ் கர்ட்டிஸ்ஸில் பணியாற்றியவரும் இரண்டாம் உலகப் போரில் உயிர் தப்பியவருமான பாப் ஃபெர்னாண்டஸ் (100) மற்றும் ஐக்கிய அமெரிக்க மாநிலங்களுள் ஒன்றான யூட்டாவில் பணியாற்றிய வாரன் அப்டன் (105) ஆகிய இருவரும் கடந்த மாதத்தில் வயது முதிர்வால் மரணமடைந்தது குறிப்பிடத்தக்கது.
