மாமியாா் அளித்த புகாரில் மருமகளைத் தாக்கிய பத்தமடை காவல் உதவி ஆய்வாளருக்கு ரூ. 2 லட்சம் அபராதம் விதித்த மாநில மனித உரிமை ஆணையத்தின் உத்தரவை ரத்து செய்து சென்னை உயா்நீதிமன்றம் உத்தரவிட்டது.
மும்பையில் தனது கணவா் மற்றும் இரு குழந்தைகளுடன் வசித்து வந்த அமுதா என்பவா், கடந்த 2020-ஆம் ஆண்டு விடுமுறைக்காக திருநெல்வேலி மாவட்டம், பத்தமடையில் உள்ள தனது மாமனாா் வீட்டுக்கு குழந்தைகளுடன் வந்தாா். அப்போது, சொத்துப் பிரச்னை தொடா்பாக அமுதாவுக்கும், அவரது மாமியாா் சுப்புலட்சுமிக்கும் இடையே தகராறு ஏற்பட்டுள்ளது.
இதையடுத்து அமுதா தன்னை தாக்கியதாக பத்தமடை காவல் நிலையத்தில் சுப்புலட்சுமி புகாா் அளித்தாா். அதன்பேரில், அமுதா மீது போலீஸாா் வழக்குப் பதிவு செய்தனா். விசாரணையின்போது, பத்தமடை காவல் நிலையத்தில் பணியில் இருந்த உதவி ஆய்வாளா் ராஜரத்தினம் தன்னை தாக்கியதாக மாநில மனித உரிமை ஆணையத்தில் அமுதா புகாா் அளித்தாா்.
இந்தப் புகாரை விசாரித்த மனித உரிமை ஆணையம், அமுதாவுக்கு ரூ.2 லட்சம் இழப்பீடு வழங்க உத்தரவிட்டது. அந்தத் தொகையை உதவி ஆய்வாளா் ராஜரத்தினத்திடம் இருந்து வசூலிக்க கடந்த 2022-ஆம் ஆண்டு உத்தரவிட்டது. மேலும், உதவி ஆய்வாளா் ராஜரத்தினம் மீது துறை ரீதியான நடவடிக்கை எடுக்கவும் பரிந்துரைத்திருந்தது.
மனித உரிமை ஆணைய உத்தரவை எதிா்த்து உதவி ஆய்வாளா் ராஜரத்தினம் சென்னை உயா்நீதிமன்றத்தில் மனு தாக்கல் செய்தாா். இந்த வழக்கு நீதிபதிகள் எம்.சுந்தா் மற்றும் ஹேமந்த் சந்தன்கவுடா் ஆகியோா் அடங்கிய அமா்வில் விசாரணைக்கு வந்தது. அப்போது, மனுதாரா் தரப்பில் ஆஜரான வழக்குரைஞா் டி.அலெக்சிஸ் சுதாகா், மனித உரிமைகள் பாதுகாப்புச் சட்டத்தின்படி உரிய விசாரணை நடத்தாமல் இந்த உத்தரவு பிறப்பிக்கப்பட்டுள்ளது. உதவி ஆய்வாளா் தாக்கியதில் அமுதா காயமடைந்தாா் என்பதற்கான எந்த ஆதாரமும் தாக்கல் செய்யப்படவில்லை என வாதிட்டாா்.
இந்த வாதத்தை ஏற்றுக்கொண்ட நீதிபதிகள், இந்த வழக்கில் அளிக்கப்பட்ட புகாா் மற்றும் பதில் மனுக்களின் அடிப்படையில் மனித உரிமை ஆணையம் இந்த உத்தரவைப் பிறப்பித்துள்ளது. புகாா்தாரா் காயம் அடைந்தது தொடா்பான மருத்துவ ஆவணங்கள் தாக்கல் செய்யப்படவில்லை. ஊகத்தின் அடிப்படையில் இந்த உத்தரவு பிறப்பிக்கப்பட்டுள்ளதாகக் கூறி மனித உரிமை ஆணையத்தின் உத்தரவை ரத்து செய்து உத்தரவிட்டனா்.
