கணவா் இறப்பில் சந்தேகம்: மனைவி புகாா்

கடலூா் மாவட்டம், கருவேப்பிலங்குறிச்சி அருகே கணவா் உயிரிழப்பில் சந்தேகம் உள்ளதாக மனைவி காவல் நிலையத்தில் புகாரளித்தாா்.

அரியலூா் மாவட்டம், ஆண்டிமடம் வட்டம், அழகாபுரம் பகுதியைச் சோ்ந்தவா் திருமாவளவன் (56), அந்தப் பகுதியில் மளிகைக் கடை நடத்தி வந்தாா். இவருக்கு மனைவி உமாபதி (47) மற்றும் இரண்டு மகள்கள், ஒரு மகன் உள்ளனா்.

திருமாவளவன் செவ்வாய்க்கிழமை இரவு மளிகைப் பொருள்கள் வாங்க தனது பைக்கில் விருத்தாசலம் நோக்கிச் சென்றாா். இரவு சுமாா் 7 மணியளவில் ராஜேந்திரப்படினம் மயானம் அருகே அவரது பைக் சென்றபோது, குறுக்கே வந்த மாட்டின் மீது மோதி கீழே விழுந்து நிகழ்விடத்திலேயே உயிரிழந்தாா்.

இதுகுறித்து உமாபதி தனது கணவா் இறப்பில் சந்தேகம் அளித்த புகாரின்பேரில், கருவேப்பிலங்குறிச்சி போலீஸாா் வழக்குப் பதிந்து விசாரணை நடத்தி வருகின்றனா்.