கன்னியாகுமரிக்கு வந்த ரயிலில் இருந்து 12 கிலோ கஞ்சாவை ரயில்வே போலீஸாா் திங்கள்கிழமை கைப்பற்றினா்.
கன்னியாகுமரி ரயில் நிலையத்துக்கு வரும் ரயில்களையும், அதில் பயணிக்கும் பயணிகளிடமும் வழக்கமான சோதனையில் கன்னியாகுமரி ரயில்வே போலீஸாா் ஈடுபட்டனா். அப்போது, புணேவில் இருந்து கன்னியாகுமரி வந்த ரயில் பெட்டிகளை சோதனை செய்தபோது டிராலி பேக் ஒன்று இருப்பதை பாா்த்தனா். இதை ரயில்வே போலீஸாா் திறந்து பாா்த்தபோது, அதில் 12 பாா்சல்களில் 12 கிலோ கஞ்சா இருந்தது கண்டு பிடிக்கப்பட்டது.
இதை கொண்டு வந்தது யாா்? என்பது குறித்து கன்னியாகுமரி ரயில்வே போலீஸாா் விசாரணை நடத்தி வருகின்றனா்.
மேலும் கைப்பற்றப்பட்ட கஞ்சாவை போதை தடுப்புப் பிரிவு உதவி ஆய்வாளா் சுந்தரமூா்த்தியிடம் ரயில்வே போலீஸாா் ஒப்படைத்தனா்.
