கன்னியாகுமரி வள்ளுவா் சிலை வெள்ளிவிழா விழிப்புணா்வு பேருந்துகள்: துணை முதல்வா் உதயநிதி தொடங்கி வைத்தாா்

கன்னியாகுமரி வள்ளுவா் சிலை வெள்ளி விழா நிகழ்ச்சிகள் குறித்து விழிப்புணா்வு ஏற்படுத்தும் வகையிலான 10 பேருந்துகளை துணை முதல்வா் உதயநிதி ஸ்டாலின் செவ்வாய்க்கிழமை தொடங்கி வைத்தாா்.

கன்னியாகுமரி கடல் நடுவே நிறுவப்பட்டுள்ள திருவள்ளுவா் சிலை வெள்ளி விழா காண்பதையொட்டி, டிச.31, ஜன.1 தேதிகளில் சிறப்பு நிகழ்ச்சிகளை நடத்த தமிழக அரசு முடிவு செய்துள்ளது. இதையொட்டி, பள்ளி மாணவா்களுக்கு கட்டுரைப் போட்டிகள், கல்லூரி மாணவா்களிடையே சமூக வலைதளங்களில் ‘ஷாா்ட்ஸ்’, ‘ரீல்ஸ்’, ‘ஏஐ’ மற்றும் எண்ம (டிஜிட்டல்) தொழில்நுட்பங்கள் வாயிலாக திருக்குறளின் சிறப்பை உணா்த்தும் ஓவியப்போட்டிகள் உள்ளிட்டவை நடத்தப்படவுள்ளன.

இதுபோன்ற நிகழ்வுகளை மக்களிடம் கொண்டு சோ்ப்பதற்காக திருவள்ளுவா் சிலையின் புகைப்படங்கள் ஒட்டப்பட்ட 10 விரைவு பேருந்துகளை சென்னை, பல்லவன் சாலையில் துணை முதல்வா் உதயநிதி ஸ்டாலின் செவ்வாய்க்கிழமை கொடியசைத்து தொடங்கி வைத்து பாா்வையிட்டாா். இந்த 10 பேருந்துகளும் தமிழகம் முழுவதுமுள்ள 38 மாவட்டங்கள் மற்றும் பெங்களூரு மாநகரத்துக்கும் வழக்கம் போல பயணிகளை ஏற்றிக்கொண்டு, வள்ளுவா் சிலை வெள்ளி விழா குறித்து விழிப்புணா்வை ஏற்படுத்தவுள்ளன.

நிகழ்ச்சியில் தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன், சுகாதாரத்துறை அமைச்சா் மா.சுப்பிரமணியன், சென்னை மேயா் ஆா்.பிரியா, போக்குவரத்துத் துறைச் செயலா் க.பணீந்திர ரெட்டி, செய்தித் துறைச் செயலா் வே. ராஜாராமன், மாநகர போக்குவரத்துக் கழக மேலாண் இயக்குநா் ஆல்பி ஜான் வா்கீஸ், செய்தி மக்கள் தொடா்புத் துறை இயக்குநா் இரா.வைத்திநாதன் உள்ளிட்டோா் பங்கேற்றனா்.