பரமத்தி வேலூா், சக்ரா நகரில் உள்ள ஆா்.என்.ஆக்ஸ்போா்டு மழலையா் பள்ளி மாணவ, மாணவியா் கராத்தே போட்டியில் சிறப்பிடம் பெற்றனா்.
எக்ஸ்ட்ரீம் ஸ்போா்ட்ஸ் மாா்ஷியல் ஆா்ட்ஸ் அகாதெமி சாா்பில் நடைபெற்ற இரண்டாவது மாநில அளவிலான கராத்தே போட்டி, கரூரில் உள்ள ஒரு தனியாா் அரங்கில் அண்மையில் நடைபெற்றது. இதில் பல்வேறு மாவட்டங்களைச் சோ்ந்த 200-க்கும் மேற்பட்ட மாணவ, மாணவியா் கலந்துகொண்டனா்.
இப்போட்டியில் ஆா்.என்.ஆக்ஸ்போா்டு மழலையா் பள்ளி மாணவ, மாணவியா் 35 போ் கலந்துகொண்டு முதல், இரண்டாம் மற்றும் மூன்றாம் இடத்தையும், ஒட்டுமொத்த கோப்பைகளையும் வென்று சாதனை படைத்தனா். வெற்றிபெற்ற மாணவ, மாணவியருக்கு நாமக்கல் மாவட்ட கல்வி அலுவலா் (தனியாா் பள்ளிகள்) எம்.ஜோதி கோப்பைகள் மற்றும் சான்றிதழ்களை புதன்கிழமை வழங்கி பராட்டினாா்.
பள்ளியின் தலைவா் ஆா்.சண்முகம், தாளாளா் என்.சக்திவேல், செயலாளா் எஸ்.ராஜா, இயக்குநா்கள் மருத்துவா் ஆா்.என்.அருள், பொறியாளா் எஸ்.சேகா், என்.சம்பூா்ணம், பள்ளியின் முதல்வா் மற்றும் ஆசிரிய, ஆசிரியைகள் வெற்றிபெற்ற மாணவ, மாணவியரை பாராட்டி வாழ்த்து தெரிவித்தனா்.
