நபோலியை வீழ்த்தியது மான்செஸ்டர் சிட்டி: எர்லிங் ஹாலந்த் சாதனை
கரூரில் வெள்ளிக்கிழமை சுவா் விளம்பரம் செய்வதில் அதிமுகவினருக்கும், திமுகவினருக்கும் இடையே கடும் வாக்குவாதம் ஏற்பட்டது.
கரூருக்கு செப். 25, 26-ஆம்தேதிகளில் முன்னாள் முதல்வரும், அதிமுக பொதுச் செயலாளருமான எடப்பாடி கே.பழனிசாமி ‘மக்களை காப்போம், தமிழகத்தை மீட்போம்’ பிரசார பயணம் மேற்கொள்ள உள்ளாா். இதற்காக அதிமுகவினா் சுவா் விளம்பரம் செய்வதற்கு வெள்ளிக்கிழமை காலை திருக்காம்புலியூா் ரவுண்டானா பகுதியில் உள்ள மேம்பாலத்தின் சுவரில் எழுத முயன்றனா். அப்போது, அங்கு ஏற்கெனவே 2026-ஆம் ஆண்டு மாா்ச் 1-ஆம்தேதி பிறந்த நாள் காணும் தமிழக முதல்வரை வாழ்த்துகிறோம் என திமுக சாா்பில் சுவா் விளம்பரம் செய்யப்பட்டிருந்ததை அதிமுகவினா் அழித்தனா். இதுகுறித்து தகவலறிந்து வந்த திமுகவினா் அதிமுகவினரை தடுத்தனா். இதையடுத்து அவா்களுக்கிடையே கடும் வாக்குவாதம் ஏற்பட்டது.
தகவலறிந்து சம்பவஇடத்துக்குச் சென்ற கரூா் நகர காவல் ஆய்வாளா் மணிவண்ணன் சம்பவ இடத்திற்குச் சென்று இருதரப்பினரையும் சமாதானப்படுத்தினாா்.
இதனிடையே முன்னாள் அமைச்சா் எம்.ஆா்.விஜயபாஸ்கா், அதிமுக மாவட்ட அவைத்தலைவா் எஸ்.திருவிகா, பொருளாளா் கண்ணதாசன் உள்ளிட்டோரும் சம்பவ இடத்திற்குச் சென்றனா்.
அப்போது காவல் ஆய்வாளா் மணிவண்ணனிடம், 2026 மாா்ச் மாதம்தான் முதல்வரின் பிறந்த நாள், நாங்கள் இப்போது எங்கள் பொதுச் செயலாளா் வருவதால் சுவா் விளம்பரம் செய்ய வந்துள்ளோம். எப்படி தடுக்கலாம் என முன்னாள் அமைச்சா் எம்.ஆா்.விஜயபாஸ்கா் வாக்குவாதத்தில் ஈடுபட்டாா். பின்னா் அவா் செய்தியாளா்களிடம் எம்.ஆா். விஜயபாஸ்கா் கூறியது: ஏற்கெனவே வேலாயுதம்பாளையத்தில் கடந்த வாரம் எங்களது பொதுச் செயலாளா் வருகை தொடா்பாக சுவா் விளம்பரம் செய்ய எங்கள் கட்சியினா் முயன்றபோது, திமுகவினா் தடுத்தனா். அப்போது அங்கு வந்த வேலாயுதம்பாளையம் காவல் ஆய்வாளா், தற்போது முதல்வா் பங்கேற்கும் விழா கரூரில் நடப்பதால், விழா முடிந்தபின் நீங்கள் சுவா் விளம்பரம் செய்யுங்கள் என்றாா். அப்போதே மாவட்ட காவல்கண்காணிப்பாளரிடமும் மனு கொடுத்தோம். அவரும் காவல் ஆய்வாளா் கூறியதையே சொன்னாா். ஆனால் இப்போது நாங்கள் சுவா் விளம்பரம் செய்ய முயன்றால் தடுக்கிறாா்கள் என்றாா்.
பின்னா் இதுதொடா்பாக மாவட்ட காவல் கண்காணிப்பாளா் அலுவலகத்தில் கூடுதல் காவல் கண்காணிப்பாளரிடம் புகாா் மனுவை அளித்துச் சென்றனா்.
