கேரள சுற்றுலாத் துறையில் பணியாற்றினாரா பாகிஸ்தான் உளவாளி ஜோதி மல்ஹோத்ரா?
கரூரில் ஞாயிற்றுக்கிழமை நடைபெற்று மாநில அளவிலான இறகுப்பந்து போட்டியின் இரட்டையா் பிரிவில் திருப்பூா் அணி வெற்றி பெற்று கோப்பையை தட்டிச் சென்றது.
கரூரில், மாவட்ட இறகுப்பந்து கழகம் சாா்பில் மாநில அளவில் ஆண்கள், பெண்களுக்கான சீனியா் இறகுப்பந்து சாம்பியன்ஷிப் போட்டி மற்றும் தனிநபா் ஆண்கள், பெண்கள் மற்றும் இரட்டையா் ஆண்கள், பெண்கள், கலப்பு இரட்டையா் பிரிவு ஆகிய பிரிவுகளில் போட்டிகள் கடந்த 30-ஆம் தேதி தொடங்கி நடைபெற்று வந்தது.
போட்டியில் ஆண்கள் பிரிவில் 28 மாவட்டங்களைச் சோ்ந்த வீரா்களும், பெண்கள் பிரிவில் 18 மாவட்டங்களைச் சோ்ந்த வீராங்கனைகளும் என மொத்தம் 474 வீரா், வீராங்கனைகள் பங்கேற்றனா். நாக் அவுட் முறையில் நடைபெற்ற இப்போட்டியின் இறுதிப் போட்டிகள் ஞாயிற்றுக்கிழமை நடைபெற்றது.
இதில் கலப்பு இரட்டையா் பிரிவில் திருப்பூரைச் சோ்ந்த வீரா் ரோஹித்-ரிதுவா்ஷினி ஜோடியும், கோவையைச் சோ்ந்த லோகேஷ் விஸ்வநாதன், பிரவந்திகா ஜோடியும் மோதினா். விறுவிறுப்பாக நடைபெற்ற இப்போட்டியில் 19-21, 21-16, 22-26 என்ற நோ்செட் கணக்கில் திருப்பூா் அணியின் ரோஹித், ரிதுவா்ஷினி வென்று கோப்பையையும், பரிசுத்தொகையான ரூ.10,000 ஆகியவற்றை தட்டிச் சென்றனா்.
தொடா்ந்து அனைத்து பிரிவுகளிலும் வென்றவா்களுக்கு பரிசளிப்பு விழா நடைபெற்றது.
விழாவுக்கு கரூா் மாவட்ட இறகுப்பந்து கழகத் தலைவா் விசா மா. சண்முகம் தலைமை வகித்தாா். செயலாளா் என். அருண் வரவேற்றாா். சிறப்பு விருந்தினராக கரூா் மாவட்ட வருவாய் அலுவலா் ம.கண்ணன் பங்கேற்று, வெற்றி பெற்ற வீரா், வீராங்கனைகளுக்கு கோப்பை மற்றும் பரிசுத்தொகை, சான்றிதழ் ஆகியவற்றை வழங்கினாா்.
நிகழ்ச்சியில் தமிழ்நாடு இறகுப்பந்து கழக பொதுச் செயலாளா் அருணாச்சலம், துணைத் தலைவா் டி. மாறன், கரூா் வைஸ்யா வங்கியின் முதன்மை மேலாளா் வேலுமணி, தொழில் அதிபா் சீனிவாஸ், அரவக்குறிச்சி அரசு கலைக்கல்லூரியின் உடற்கல்வி இயக்குநா் ராஜேந்திரன் மற்றும் இறகுப்பந்து போட்டி நடுவா்கள் உள்ளிட்டோா் பங்கேற்றனா்.
