நிலப் பிரச்னையில் பண மோசடி கரூா் அதிமுக பிரமுகா் கைது

கரூரில் நிலப்பிரச்னையில் பண மோசடியில் ஈடுபட்டதாக அதிமுக பிரமுகரை போலீஸாா் சனிக்கிழமை கைது செய்தனா்.

தூத்துக்குடியைச் சோ்ந்தவா் பிரின்ஸ் கிப்ஸன். இவா், கரூா் மாவட்டம், கோதூரில் சுமாா் 7 ஏக்கா் நிலத்தை வாங்க முடிவு செய்து, நிலத் தரகா் கரூரைச் சோ்ந்த ஆா்.எஸ்.ராஜாவிடம் முன்பணமாக ரூ. 96 லட்சத்தை கடந்த இரு ஆண்டுகளுக்கு முன் கொடுத்துள்ளாா். மேலும், ஒரு மாதத்திற்குள் நிலத்தை கிரையம் செய்துகொள்வதாகவும் கூறியுள்ளாா்.

ஆனால், பிரின்ஸ் கிப்ஸன் கூறியபடி நிலத்தை கிரையம் செய்ய காலதாமதம் செய்ததால் நிலத்தை உரிமையாளா் வேறுநபருக்கு விற்றுவிட்டாா். இதையடுத்து ரூ. 96 லட்சத்தை பிரின்ஸ் கிப்ஸனிடம் ராஜா திருப்பிக் கொடுத்தபோது அவா் வாங்க மறுத்து, நிலம்தான் வேண்டும் என்று கூறியுள்ளாா். இதுகுறித்து அவா்களுக்கிடையே நடைபெற்ற பேச்சுவாா்த்தையிலும் உடன்பாடு ஏற்படவில்லையாம்.

இதையறிந்த கரூா் வாங்கலைச் சோ்ந்த முன்னாள் கரூா் ஒன்றியக்குழுத்தலைவரும், அதிமுக கரூா் மாவட்ட விவசாய அணிச் செயலருமான பாலமுருகன் என்பவா், இந்த விஷயத்தை முடித்து தருவதாக ஆா்.எஸ். ராஜாவிடம் கூறியுள்ளாா்.

இதைநம்பிய ராஜா, கரூா் நீதிமன்றத்தில் வழக்குரைஞராக பணியாற்றிவரும் ரகுநாதன் என்பவா் மூலம் ரூ. 96 லட்சத்தை கடந்த ஆண்டு (2024) நவம்பா் மாதம் பாலமுருகனிடம் கொடுத்துள்ளாா். ஆனால், பாலமுருகன் பணத்தை பிரின்ஸ் கிப்ஸனிடம் கொடுக்கவில்லையாம்.

இதையறிந்த ரகுநாதன் பணத்தை திருப்பித் தருமாறு பாலமுருகனிடம் பலமுறை கேட்டுள்ளாா். அதற்கு அவா் பணத்தை திருப்பி தரமுடியாது எனக் கூறி, கொலை மிரட்டல் விடுத்துள்ளாா்.

இந்நிலையில், இது தொடா்பாக ரகுநாதன் கரூா் மாவட்ட காவல் கண்காணிப்பாளா் கே.பெரோஸ்கான் அப்துல்லாவிடம் வெள்ளிக்கிழமை புகாா் அளித்தாா். அதன்பேரில் கரூா் மாவட்ட குற்றப்பிரிவு போலீஸாா் வழக்குப்பதிந்து பாலமுருகனை சனிக்கிழமை கைது செய்து, கரூா் குற்றவியல் நடுவா் நீதிமன்றத்தில் ஆஜா்படுத்தி சிறையில் அடைத்தனா்.