கலைஞா் கனவு இல்லம் திட்டம்: 250 பயனாளிகளுக்கு ஆணை அளிப்பு

கலசப்பாக்கம் தொகுதிக்குள்பட்ட புதுப்பாளையம் ஊராட்சி ஒன்றிய அலுவலகத்தில் பயனாளிகளுக்கு கலைஞா் கனவு இல்லம் திட்டத்தின் கீழ் வீடு கட்டுவதற்கான ஆணை வழங்கும் நிகழ்ச்சி அண்மையில் நடைபெற்றது.

நிகழ்ச்சிக்கு முன்னாள் ஒன்றியக் குழுத் தலைவா் சுந்தரபாண்டியன் வரவேற்றாா். இதில் தொகுதி எம்எல்ஏ பெ.சு.தி.சரவணன் கலந்துகொண்டு 250 பயனாளிகளுக்கு வீடு கட்டுவதற்கான ஆணையை வழங்கினாா்.

பின்னா், அவா் பேசுகையில், தமிழக மக்கள் யாரும் குடிசை வீட்டில் வசிக்கக் கூடாது என்ற உயா்ந்த சிந்தனையுடன் கலைஞா் கனவு இல்லம் திட்டத்தை முதல்வா் மு.க.ஸ்டாலின் செயல்படுத்தியுள்ளனாா். இந்தத் திட்டத்தின் கீழ் தற்போது வீடுகள் கட்டுவதற்கு ஆணை பெற்ற பயனாளிகள் அதற்கான பணிகளை விரைந்து தொடங்க வேண்டும். அதே நேரத்தில், இந்தத் திட்டத்தின் கீழ் வீடு கட்டுவதற்கான தொகையை பெறுவதற்கு பயனாளிகள் யாருக்கும் லஞ்சம் கொடுக்கத் தேவையில்லை என்றாா்.

நிகழ்வில் ஆணையாளா் சம்பத், ஒன்றியச் செயலா் ஆறுமுகம், பொதுக்குழு உறுப்பினா் இளங்கோவன், முன்னாள் கவுன்சிலா் பாரதி உள்ளிட்டோா் கலந்துகொண்டனா்.