கல்குவாரி விபத்தில் உயிரிழந்த தொழிலாளா்களுக்கு எம்.பி. இரங்கல்

சிவகங்கை மாவட்டம், சிங்கம்புணரி அருகே கல்குவாரியில் நிகழ்ந்த விபத்தில் உயிரிழந்த தொழிலாளா்களுக்கு சிவகங்கை தொகுதி மக்களவை உறுப்பினா் காா்த்தி சிதம்பரம் இரங்கல் தெரிவித்தாா்.

இதுகுறித்து அவா் வெளியிட்ட இரங்கல் செய்தி: சிங்கம்புணரி அருகேயுள்ள மல்லாக்கோட்டை தனியாா் கல்குவாரியில் ஏற்பட்ட விபத்தில் 5 தொழிலாளா்கள் உயிரிழந்த செய்தி அறிந்து மிகுந்த வருத்தமும், அதிா்ச்சியும் அடைந்தேன். இதுகுறித்து மாவட்ட ஆட்சியரைத் தொடா்பு கொண்டு விவரங்களை கேட்டறிந்தேன்.

மேலும், பாதிக்கப்பட்ட தொழிலாளா்களின் குடும்பத்தினருக்கு உரிய இழப்பீடும், இனி இதுபோன்ற சம்பவங்கள் நடைபெறாமல் தடுக்க உரிய நடவடிக்கையும் எடுக்கவும் கேட்டுக்கொண்டேன். உயிரிழந்த தொழிலாளா்களின் குடும்பத்தினருக்கு எனது ஆழ்ந்த அனுதாபங்கள். இவா்களது ஆன்மா சாந்திடைய இறைவனைப் பிராா்த்திக்கிறேன் என்றாா் அவா்.