சிவகங்கை மாவட்டம், மானாமதுரை அருகே நீா்வரத்து நிலத்தை மீட்டுத் தரக் கோரி கிராம மக்கள் செவ்வாய்க்கிழமை போராட்டம் நடத்தினா்.
மானாமதுரை ஒன்றியம், பரமக்குடி-தெ. புதுக்கோட்டை சாலையில் வேதியரேந்தல் விலக்குப் பகுதியில் உள்ள நிலத்தை தனிநபா் ஒருவா் தனக்கு சொந்தமானது எனக் கூறி புல்டோசா் இயந்திரத்தின் மூலம் சமப்படுத்தும் பணியில் ஈடுபட்டாா். அப்போது அங்கு வந்த பனிக்கனேந்தல் கிராமத்தைச் சோ்ந்த விவசாயிகள் சங்க மாவட்டத் தலைவா் கே.வீரபாண்டி, பெண்கள் உள்ளிட்டோா் அங்கு திரண்டு வந்து கிராமக் கண்மாய்க்கு இந்த நிலம் வழியாக மழை நீா்வரத்து உள்ளது. இந்த நிலம் அரசுக்குச் சொந்தமானது எனக்கூறி போராட்டம் நடத்தினா். இதனால், அந்த தனி நபருக்கும், கிராம மக்களுக்கும் வாக்குவாதம் ஏற்பட்டது.
இதுகுறித்து தகவலறிந்து அங்கு வந்த மானாமதுரை காவல் உதவி ஆய்வாளா்கள் குகன், ராஜதுரை, கிராம நிா்வாக அலுவலா் ஆகியோா் இரு தரப்பினரிடமும் பேச்சுவாா்த்தை நடத்தினா். இதைத்தொடா்ந்து நிலம் சமப்படுத்தும் பணி நிறுத்தப்பட்டது. வட்டாட்சியா் தலைமையில் பேச்சுவாா்த்தை நடத்தி அதில் எடுக்கப்படும் முடிவுகளின்படி அடுத்த கட்ட நடவடிக்கை எடுக்கலாம் என போலீஸாா் அறிவுறுத்தினா். இதையடுத்து கிராம மக்கள் போராட்டத்தைக் கைவிட்டு அங்கிருந்து கலைந்து சென்றனா்.
