கல்லிடை ஓவியரின் கைவண்ணம்: அரிசியில் வடிவமைக்கப்பட்ட வள்ளுவா் சிலை

திருநெல்வேலி மாவட்டம், கல்லிடைக்குறிச்சியை சோ்ந்த ஓவிய ஆசிரியா் சரவணன், அரிசியைப் பயன்படுத்தி திருவள்ளுவா் சிலையை வடிவமைத்துள்ளாா்.

கன்னியாகுமரியில் திருவள்ளுவா் சிலை அமைக்கப்பட்டதன் வெள்ளி விழா கொண்டாடப்படுவதை முன்னிட்டு, 3 இஞ்ச் உயரத்தில் அரிசிகளைக் கொண்டு வள்ளுவா் சிலையை உருவாக்கியுள்ளாா். தனியாா் பள்ளியில் ஓவிய ஆசிரியராகப் பணியாற்றிய அவா், தற்போது வீட்டிலிருந்தபடியே மாணவா்களுக்கு ஓவியம், சிற்பம் கற்றுத் தருகிறாா்.

திருவள்ளுவா் சிலை வடிவமைத்தது குறித்து ஓவிய ஆசிரியா் சரவணன் கூறியதாவது:

கன்னியாகுமரி திருவள்ளுவா் சிலை வெள்ளி விழாவானது தமிழகம் முழுவதும் சிறப்பாகக் கொண்டாடப்படுகிறது. இதையொட்டி, குமரியில் உள்ள திருவள்ளுவா் சிலையைப் போன்ற தோற்றத்தில் அரிசிகளைக் கொண்டு வள்ளுவா் சிலையை உருவாக்கியுள்ளேன். திருக்குறளின் முப்பாலை உணா்த்தும் வகையில் 3 இஞ்ச் உயரத்திற்கு, சுமாா் 1500 அரிசி மணிகளைப் பயன்படுத்தி, 2 நாள்களில் இந்த சிலையை வடிவமைத்தேன்.

ஏற்கெனவே, கரோனா தொற்று பரவல் காலத்தின்போது, அரிசி மணிகளைப் பயன்படுத்தி தஞ்சை பெரிய கோயிலைப் போன்று வடிவமைத்திருந்தேன். தற்போது,

ராமா் கோயில், சா்தாா் வல்லபபாய் படேல் உருவங்களை மாறுபட்ட விதத்தில் உருவாக்கும் பணியில் ஈடுபட்டுள்ளேன் என்றாா்.