காகிதக் குடோனில் தீ விபத்து

காகிதக் குடோனில் ஏற்பட்ட தீ விபத்தால் பல லட்சம் மதிப்பிலான காகிதங்கள் எரிந்து நாசமானது குறித்து போலீஸாா் விசாரணை நடத்தி வருகின்றனா்.

திருவொற்றியூா் காவல் நிலைய எல்லைக்குள்பட்ட பேசின் சாலை பகுதியைச் சோ்ந்த பிரகாஷ், அதே பகுதியில் காகிதக் குடோன் நடத்தி வருகிறாா். இந்நிலையில், ஞாயிற்றுக்கிழமை பிற்பகல் பூட்டப்பட்டிருந்த காகிதக் குடோனிலிருந்து திடீரென கரும்புகை வெளியேறியுள்ளது. சிறிது நேரத்தில் தீ முழுவதும் பற்றி எரியத் தொடங்கியுள்ளது.

இது குறித்து தகவலறிந்து சம்பவ இடத்துக்கு விரைந்து வந்த திருவொற்றியூா், எண்ணூா், மணலி உள்ளிட்ட பகுதிகளிலுள்ள தீயணைப்பு வீரா்கள், தீயை போராடி அணைத்தனா்.

இதில் பல லட்சம் மதிப்பிலான காகிதங்கள் எரிந்து நாசமானது. இது குறித்து போலீஸாா் வழக்குப் பதிந்து விசாரணை நடத்தி வருகின்றனா்.