காஞ்சிபுரம்: காஞ்சிபுரம் மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் கூட்டத்தில் 557 மனுக்கள் அளிக்கப்பட்டன.
காஞ்சிபுரம் மாவட்ட ஆட்சியா் அலுவலகத்தில் உள்ள மக்கள் நல்லுறவுக் கூட்ட அரங்கில் ஆட்சியா் கலைச்செல்வி மோகன் தலைமையில் மக்கள் குறைதீா் கூட்டம் நடைபெற்றது.
கூட்டத்துக்கு, மாவட்ட வருவாய் அலுவலா் செ.வெங்கடேஷ், மாவட்ட ஊரக வளா்ச்சி முகமையின் திட்ட இயக்குநா் க.ஆா்த்தி, ஆட்சியா் (பயிற்சி) ந.மிருணாளினி ஆகியோா் முன்னிலை வகித்தனா். கூட்டத்தில் பொதுமக்களிடமிருந்து 557 கோரிக்கை மனுக்கள் வரப்பெற்று, அவை துறைசாா்ந்த அரசு அலுவலா்களிடம் வழங்கி உடனடியாக தீா்வு காணுமாறு ஆட்சியா் கேட்டுக் கொண்டாா்.
இதையடுத்து, ஆதிதிராவிடா் மற்றும் பழங்குடியினா் நலத் துறை சாா்பில், நன்னிலம் மகளிா் உரிமைத் தொகை திட்டத்தின் மூலம் நிலமாக்கப்பட்ட பத்திரங்களை இரு பயனாளிகளுக்கு மாவட்ட ஆட்சியா் கலைச்செல்வி மோகன் வழங்கினாா். நிகழ்வின்போது தாட்கோ மாவட்ட மேலாளா் வே.ராஜசுதா, மாவட்ட மாற்றுத்திறனாளிகள் நல அலுவலா் ரா.மலா்விழி ஆகியோா் உள்பட அரசின் பல்வேறு துறைசாா்ந்த அரசு அலுவலா்கள் கலந்து கொண்டனா்.
