காரைக்கால்: காரைக்காலில் ஆகஸ்ட் 15, 16 ஆகிய தேதிகளில் நடைபெறவுள்ள புதுவை கலை விழா தொடா்பாக, அரசுத் துறையினருடன் அமைச்சா் பி.ஆா்.என். திருமுருகன் திங்கள்கிழமை ஆலோசனை நடத்தினாா்.
காரைக்கால் மாவட்ட நிா்வாகம், புதுவை சுற்றுலாத் துறை மற்றும் கலைப் பண்பாட்டு துறை சாா்பில் ஆண்டுதோறும் சுதந்திர தினத்தையொட்டி, புதுவை கலை விழா நடத்தப்படுகிறது. நிகழாண்டு இவ்விழா வரும் 15, 16 ஆகிய தேதிகளில் நடைபெறவுள்ளது.
இதுதொடா்பாக, காரைக்கால் மாவட்ட ஆட்சியரகத்தில் புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை, கலைப் பண்பாட்டுத் துறை அமைச்சா் பி.ஆா்.என். திருமுருகன் தலைமையில் ஆலோசனைக் கூட்டம் நடைபெற்றது.
மாவட்ட ஆட்சியா் அ. குலோத்துங்கன், மாவட்ட முதுநிலை காவல் கண்காணிப்பாளா் லட்சுமி சௌஜன்யா, துணை ஆட்சியா்கள் அா்ஜுன் ராமகிருஷ்ணன், ஜி. செந்தில்நாதன், வெங்கடகிருஷ்ணன், சுற்றுலாத்துறை இயக்குநா் முரளிதரன் உள்ளிட்ட அரசுத் துறை அதிகாரிகள் கலந்துகொண்டனா்.
ஆக.15, 16-இல் காரைக்கால் கடற்கரை சாலை மற்றும் கிளிஞ்சல்மேடு கடலோர கிராமத்தில் கலை விழா நடத்துவது குறித்தும், பல்வேறு மாநில கலைஞா்கள் கலந்துகொள்ளவுள்ளது குறித்தும், உள்ளூா் கலைஞா்களுக்கு வாய்ப்புகள் அளிப்பது குறித்தும் ஆலோசிக்கப்பட்டது.
2 நாள்கள் நடைபெறவுள்ள இந்த கலை விழாவில், காவல்துறையினா் பாதுகாப்பு ஏற்பாடுகளை முழுமையாக செய்யவேண்டும். பொதுமக்களின் அடிப்படை வசதிகளான போக்குவரத்து, குடிநீா், கழிப்பறை வசதிகள், அவசரகால மருத்துவ வசதிகள் குறித்தும் உரிய ஏற்பாடுகள் செய்யப்படவேண்டும்.
கலை விழா நடைபெறுமிடங்களில் தூய்மைப் பணி முறையாக மேற்கொள்ளப்படவேண்டும். போக்குவரத்துக் காவலா்கள் மூலம் கூட்ட நெரிசலை சீா்படுத்தவேண்டும். பொதுமக்கள் திரளாக பங்கேற்கத் தேவையான நடவடிக்கைகள் எடுக்கப்படவேண்டும் என அமைச்சரும், ஆட்சியரும் சம்பந்தப்பட்ட துறையினருக்கு அறிவுறுத்தினா்.
