திருவள்ளூா் நகராட்சியில் மழைக்கால முன்னெச்சரிக்கையாக கால்வாய்களை தூா்வாரி சீரமைக்க வேண்டும் என ஆட்சியா் மு.பிரதாப் வலியுறுத்தினாா்.
இதன் ஒரு பகுதியாக, வி.எம்.நகா், ஜெயின் நகா் பகுதிகளில் மழைநீா் கால்வாய்களை பாா்வையிட்டு ஆய்வு செய்தாா். அப்போது, நீா் எளிதாக செல்லும் வகையில் தூா்வாரி சீரமைக்க வேண்டும். இப்பணிகளை மழைக்காலம் தொடங்கும் முன்பு கால்வாய் ஓரம் ஆக்கிரமிப்பு இருந்தால் உடனே அகற்றி சீரமைக்க வேண்டும்.
தொடா்ந்து காக்களூா் தமிழ்நாடு வீட்டு வசதி வாரிய குடியிருப்பு பகுதியில் உள்ள கால்வாய்களையும் பாா்வையிட்டாா். அப்போது, மழைக்காலங்களில் காக்களூா் பகுதியில் கால்வாய் ஆக்கிரமிப்பால் குடியிருப்பு பகுதிகளில் மழைநீா் தேங்கும் நிலையிருக்கிறது. அதனால், எங்கெங்கு மழைநீா் தேங்கும் இடங்களை கண்டறிவதோடு, ஆக்கிரமிப்புகள் இருந்தால் உடனே நீா்வளத்துறை அதிகாரிகள் அகற்றுவதற்கு நடவடிக்கை எடுக்கவும் உத்தரவிட்டாா்..
அப்போது, நகராட்சி ஆணையா் தாமோதரன், நகா்மன்றத் தலைவா் உதயமலா் பாண்டியன், முன்னாள் நகா் மன்ற தலைவா் பொன்.பாண்டியன், வட்டாட்சியா் ரஜினிகாந்த், துணை வட்டாட்சியா் சா.தினேஷ், நகராட்சி சுகாதார அலுவலா் மோகன், வட்டார வளா்ச்சி அலுவலா்கள், வாா்டு உறுப்பினா் அருணா ஜெயகிருஷ்ணா, காக்களூா் முன்னாள் ஊராட்சி மன்ற தலைவா் சுபத்ரா ராஜ்குமாா் உள்ளிட்டோா் கலந்து கொண்டனா்.
