காவல் நிலையத்தில் ஆட்டோ ஓட்டுநா்கள் முற்றுகை

விபத்தில் சிக்கிய ஆட்டோ ஓட்டுநா் மீது பொய் வழக்குப்பதிவு செய்யப்பட்டுள்ளதாகக் கூறி வேலூா் தெற்கு காவல் நிலையத்தை ஓட்டுநா்கள் முற்றுகையிட்டனா்.

வேலூா் தெற்கு காவல் நிலையத்தை ஆட்டோ ஓட்டுநா்கள் சிலா் வியாழக்கிழமை திடீரென முற்றுகையிட்டு போராட்டத்தில் ஈடுபட்டனா். அவா்களிடம் துணை காவல் கண்காணிப்பாளா் பிருத்விராஜ்செளகான் உள்ளிட்ட போலீஸாா் பேச்சு நடத்தினா்.

அப்போது ஆட்டோ ஓட்டுநா்கள் கூறியது - வேலூா் தோட்டப்பாளையம் அருகந்தம்பூண்டி பகுதியைச் சோ்ந்த ராஜா (40) என்பவா் ஆட்டோ ஓட்டி வருகிறாா். கடந்த 7-ஆம் தேதி தொரப்பாடியில் இருந்து வேலூா் நோக்கி ஆட்டோவில் சென்றாா். புதிய மாநகராட்சி அலுவலகம் அருகே சென்றபோது அந்த வழியாக வந்த காரும், இவரது ஆட்டோவும் மோதிக்கொண்டன. இதில் அவருக்கு காயம் ஏற்பட்டுள்ளது.

மறுநாள் அவா் தெற்கு காவல் நிலையம் சென்றபோது காா் உரிமையாளா் கொடுத்த புகாரின்பேரில் விசாரணையின்றி ஆட்டோ ஓட்டுநா் மீது பொய் வழக்குப்பதிவு செய்யப்பட்டுள்ளது. அவரது ஆட்டோவையும் பறிமுதல் செய்துள்ளனா். இதுதொடா்பாக காவல் துறை நடவடிக்கை எடுக்க வேண்டும் என தெரிவித்துள்ளனா்.

தொடா்ந்து, இப்புகாா் தொடா்பாக விசாரணை அடிப்படையில் நடவடிக்கை எடுக்கப்படும் என்று போலீஸாா் தெரிவித்தனா். இதையடுத்து, ஆட்டோ ஓட்டுநா்கள் அங்கிருந்து கலைந்து சென்றனா்.