`கடன்களால் கலங்கி நிற்கிறதா தமிழகம்?' - இபிஎஸ் சாடலும் திமுகவின் பதிலும்
கிராமப் புறங்களின் நிலையான வளா்ச்சிக்கு தனித்துவமான கூட்டுறவு நிறுவனங்களின் செயல்பாடு தேவை என வலியுறுத்தப்பட்டது.
தேசிய கூட்டுறவு ஒன்றியம் (புதுதில்லி), திண்டுக்கல் காந்திகிராம கிராமியப் பல்கலைக்கழகம் சாா்பில் கூட்டுறவுத் தகவல் அலுவலா்களுக்கான ‘பொறுப்பான நிா்வாகம், இணக்கம், நிலைத் தன்மை‘ குறித்த 3 நாள்கள் பயிற்சி முகாம் புதன்கிழமை தொடங்கியது.
கல்விசாா் ஒத்துழைப்புக்காக காந்திகிராம கிராமியப் பல்கலைக்கழகம், தேசிய கூட்டுறவு ஒன்றியம் (புதுதில்லி) இடையே புரிந்துணா்வு ஒப்பந்தம் கையொப்பமிடப்பட்டது. முகாமுக்கு பல்கலைக்கழக துணைவேந்தா் ந.பஞ்சநதம் தலைமை வகித்தாா்.
பயிற்சி திட்ட ஒருங்கிணைப்பாளா் சி.பிச்சை பேசியதாவது:
நிலையான கிராமப்புற வளா்ச்சிக்கு தனித்துவமான பங்களிப்புகளுடன் கூட்டுறவு நிறுவனங்கள் செயல்பட வேண்டும். கூட்டுறவு முயற்சிகள் மூலம் 10 சதவீதம் பொருளாதார வளா்ச்சி விகிதத்தை அடைய முடியும். இந்த பயிற்சித் திட்டம் தென் மாநிலங்களில் உள்ள பல மாநில கூட்டுறவு சங்கங்களின் கூட்டுறவு தகவல் அலுவலா்களுக்கு நிா்வாகத்தை நிலை நிறுத்துவதற்கும், இணக்கத்தை உறுதி செய்வதற்கும் வழிகாட்டும். மேலும், கூட்டுறவு நிறுவனங்களின் நிலைத் தன்மை இலக்குகளுக்கு பங்களிப்பதற்கான கருவியாகவும் இது பயன்படும் என்றாா்.
இந்த முகாமில் கூட்டுறவுத் துறைத் தலைவா் பி.தமிழ்மணி, பேராசிரியா் கே.ரவிச்சந்திரனின் உள்ளிட்டோா் கலந்து கொண்டனா். தொடக்க அமா்வில் சுமாா் 250 உறுப்பினா்கள் கலந்து கொண்டனா்.
