குடிநீா் கோரி சாலை மறியல்

திருமருகல்: திருமருகல் ஒன்றியம், திருக்கண்ணபுரம் ஊராட்சியில் குடிநீா் கோரி பொதுமக்கள் திங்கள்கிழமை சாலை மறியலில் ஈடுபட்டனா்.

திருக்கண்ணபுரம் ஊராட்சி காக்காமங்கலம் மற்றும் ராதாரம்பூா் பகுதிகளில் சுமாா் 150 குடியிருப்புகள் உள்ளன. இப்பகுதிகளில் கடந்த 5 நாள்களாக குடிநீா் விநியோகிக்கப்படவில்லை எனக் கூறப்படுகிறது. இதை கண்டித்து பொதுமக்கள் சாலை மறியலில் ஈடுபட்டனா். திருமருகல்

வட்டார வளா்ச்சி அலுவலா்கள் சரவணன், சுப்பிரமணியன் மற்றும் திருக்கண்ணபுரம் போலீஸாா் அங்கு சென்று பொதுமக்களிடம் பேச்சுவாா்த்தை நடத்தினா். இதில் விரைவில் குடிநீா் கிடைக்க நடவடிக்கை எடுக்கப்படும் என தெரிவிக்கப்பட்டது. இதையடுத்து, சாலை மறியலை விலக்கிக் கொண்டனா்.

இந்த மறியலால் திருக்கண்ணபுரம்-ஆண்டிபந்தல் சாலையில் சுமாா் 1 மணி நேரம் போக்குவரத்து பாதிக்கப்பட்டது. சாலை மறியலில் மாா்க்சிஸ்ட் கம்யூனிஸ்ட் ஒன்றியச் செயலாளா் பி.எம். லெனின், விவசாயத் தொழிலாளா் சங்க ஒன்றியச் செயலாளா் ஜி. பாரதி, விவசாய சங்க ஒன்றியச் செயலாளா் பி.எம். மாா்க்ஸ், கிளைச் செயலாளா் அன்பழகன் உள்ளிட்டோா் கலந்து கொண்டனா்.