நானும் சேர்ந்துதான் திமுகவை தேர்ந்தெடுத்தேன்; ஆனால்..! -அரியலூரில் விஜய்
கும்பகோணத்தில் இந்து சமய அறநிலையத் துறைக்கு சொந்தமான ரூ.7 கோடி மதிப்புள்ள கோயில் நிலம் உயா்நீதி மன்ற உத்தரவுப்படிவெள்ளிக்கிழமை மீட்கப்பட்டது.
கும்பகோணம் விஜயேந்திர சுவாமி மடத்து தெருவில் உள்ள சாரங்கபாணி கோயிலுக்குச் சொந்தமான இடத்தை வாடகைக்கு எடுத்து பள்ளிக்கூடம் நடத்தி வந்த தனிநபா் பல ஆண்டுகளாக வாடகை கொடுக்காமல் இருந்தாா். எனவே கோயில் நிா்வாகம் வாடகை தருமாறு கேட்டு பலமுறை நோட்டீஸ் அனுப்பிய நிலையில், வாடகைதாரா் அதை எதிா்த்து சென்னை உயா் நீதின்றத்தில் வழக்குத் தொடா்ந்தாா்.
வழக்கை விசாரித்த நீதிபதி வாடகையைச் செலுத்த உத்தரவிட்டாா். ஆனாலும் அவா் வாடகை செலுத்தவில்லை. இதையடுத்து இந்து சமய அறநிலையத்துறை மயிலாடுதுறை இணை ஆணையா் மூலம் மீண்டும் வழக்கு தொடா்ந்ததையடுத்து வாடகைதாரரை வெளியேற்றி கோயில் இடத்தைக் கையகப்படுத்த நீதிமன்றம் உத்தரவிட்டது.
இதையடுத்து அறநிலையத் துறை உதவி ஆணையா் ராமு தலைமையில், சரக ஆய்வாளா் வெங்கடசுப்பிரமணியன், செயல் அலுவலா் சிவசங்கரி, விஏஓ ரவிச்சந்திரன் ஆகியோா் மேற்கு காவல் நிலைய ஆய்வாளா் பா. ரமேஷ் தலைமையிலான போலீஸ் பாதுகாப்புடன் கோயில் இடத்தை மீட்டு சுவாதீன அறிவிப்பு பலகை வைத்தனா். 7 ஆயிரத்து 315 சதுரடி கொண்ட இந்த இடத்தின் மதிப்பு ரூ.7 கோடி இருக்கும் என்று அறநிலையத் துறையினா் தெரிவித்தனா்.
