கர்நாடக முதல்வர் மனைவியிடம் விசாரணை நடத்த அமலாக்கத் துறைக்கு இடைக்கால தடை!
கரியன்குளத்தில் சாயப்பட்டறை கழிவு நீா் கலப்பதால் குடிநீா் மாசுபடுவதாக சின்னாளப்பட்டி பேரூராட்சி வாா்டு சபைக் கூட்டத்தில் புகாா் தெரிவிக்கப்பட்டது.
சின்னாளபட்டி சிறப்பு நிலை பேரூராட்சி, 17-ஆவது வாா்டு சோமசுந்தரம் குடியிருப்பில் வாா்டு சபைக் கூட்டம் சனிக்கிழமை நடைபெற்றது. இதற்கு பேரூராட்சி மன்றத் தலைவி பிரதிபா கனகராஜ் தலைமை வகித்தாா்.
பேரூராட்சி துப்புரவு ஆய்வாளா் கணேசன், மோகன்ராஜ், எஸ்.ஆா்.முருகன், கனகராஜ் ஆகியோா் முன்னிலை வகித்தனா். இதில் சாயப்பட்டறை கழிவு நீா்கள் கரியன்குளத்தில் கலப்பதால், நிலத்தடி நீா் மாசுபடுவதாகவும், ஆழ்துளை கிணறுகளிலும் சாயக்கழிவுநீா் கலக்கும் வாய்ப்புகள் உள்ளதால் சாயக்கழிவுநீா் குளத்தில் கலப்பதைத்தடுக்க வேண்டும் எனபொதுமக்கள்கோரிக்கை விடுத்தனா்.
இதேபோல, மழைக் காலங்களில் கழிவு நீா்த் தொட்டிகளில் மழைநீா் கலப்பதால், தங்கள் பகுதியில் மழை நீா் வடிகால் அமைத்துக் கொடுக்க வேண்டும் என சோமசுந்தரம் குடியிருப்பு பகுதி பொதுமக்களும் மழைநீா் வடிகால் ஓரம் வளா்ந்த முள்செடிகளை அகற்ற வேண்டும் என கருணாநிதி குடியிருப்பைச் சோ்ந்த பொதுமக்களும் கோரிக்கை விடுத்தனா். இந்தத் கோரிக்கைகள் மீது நடவடிக்கை எடுப்பதாக பேரூராட்சித் தலைவி கூறினாா்.
முன்னதாக அனைவரும் வாக்காளா் தின உறுதிமொழி எடுத்துக் கொண்டனா். கூட்டத்தில் பேரூராட்சி அலுவலகப் பணியாளா்கள், தூய்மை காவலா்கள், வாா்டு பொதுமக்கள் கலந்து கொண்டனா்.
அம்மையநாயக்கனூா் பேரூராட்சி:அம்மையநாயக்கனூா் பேரூராட்சி, சங்கராபுரத்தில் நடைபெற்ற வாா்டு சபைக் கூட்டத்துக்கு பேரூராட்சித் தலைவா் எஸ்.பி.எஸ்.செல்வராஜ் தலைமை வகித்தாா். செயல் அலுவலா் பூங்கொடி முருகு முன்னிலை வகித்தாா். இதில் பல்வேறு அடிப்படை வசதிகள், வளா்ச்சித் திட்ட பணிகளுக்கு நிதி வழங்கிய தமிழக அரசுக்கு நன்றி தெரிவிக்கப்பட்டது. தொடா்ந்து, அனைவரும் தேசிய வாக்காளா் தின உறுதிமொழி எடுத்துக் கொண்டனா்.
முன்னதாக சுகாதார ஆய்வாளா் செந்தில்குமாா் வரவேற்றாா். துணைத் தலைவா் விமல்குமாா், துப்புரவு மேற்பாா்வையாளா் அசோக்குமாா், முதன்மை எழுத்தா் விவேக் உள்பட அலுவலகப் பணியாளா்கள், பொதுமக்கள் கலந்து கொண்டனா்.
