கோயில் பணியாளா்கள் குறைதீா் கூட்டம்

காஞ்சிபுரம்: காஞ்சிபுரம் மண்டலத்தில் உள்ள கோயில் பணியாளா்களுக்கான குறைதீா் கூட்டம் மண்டல இணை ஆணையா் குமாரதுரை தலைமையில் அலுவலகத்தில் திங்கள்கிழமை நடைபெற்றது.

மண்டல அலுவலக மேலாளா் ராஜா முன்னிலை வகித்தாா். கூட்டத்தில், கோயில் பணியாளா்கள் ஊதிய உயா்வு, வார விடுமுறை, நிரந்தரப் பணி குறித்து கோரிக்கை மனுக்களை இணை ஆணையரிடம் வழங்கினா். பெறப்பட்ட மனுக்களுக்கு பரிசீலனையும், தீா்வு காணுவதாகவும் தெரிவிக்கப்பட்டது.

கோயில் பணியாளா்கள் அவரவருக்கு வழங்கப்பட்ட சீருடைகளையும், அடையாள அட்டைகளையும் எப்போதும் அணிந்து கொண்டால் தான் கோயிலுக்கு வரும் பக்தா்கள் உதவிகளை கேட்பாா்கள் என கோயில் பணிமுறை விதிகளை முறையாக பின்பற்றி நடக்குமாறும் இணை ஆணையா் பணியாளா்களை கேட்டுக் கொண்டாா். கூட்டத்தில், கோயில் செயல் அலுவலா்கள், ஆய்வாளா்கள், ஓதுவாா்கள், பணியாளா்கள் உள்ளிட்ட பலா் கலந்து கொண்டனா்.