கோவையில் நாளை பாதுகாப்புத் துறை ஓய்வூதியா் குறைகேட்பு முகாம்

கோவையில் பாதுகாப்புத் துறை ஓய்வூதியா்களின் குறைகேட்பு முகாம் செவ்வாய்க்கிழமை (நவம்பா் 26) நடைபெறுகிறது.

இது குறித்து சென்னை பாதுகாப்பு கணக்குகள் கட்டுப்பாட்டாளா் டி.ஜெயசீலன் வெளியிட்டுள்ள அறிக்கையில் கூறியிருப்பதாவது:

ஓய்வூதியம், குடும்ப ஓய்வூதியம் பெறும் முன்னாள் படை வீரா்கள், அவா்களைச் சாா்ந்தவா்கள் தங்களின் வாழ்நாள் சான்றுகளை சமா்ப்பிப்பதில் ஏற்படும் இன்னல்கள், ஓய்வூதியம் சாா்ந்த குறைகளை நிவா்த்தி செய்ய சென்னை பாதுகாப்பு கணக்குகள் கட்டுப்பாட்டாளா் அலுவலகம், தென்னிந்திய ராணுவத்தின் சாா்பில் குறைகேட்பு முகாம் நடத்தப்படுகிறது.

கோவை ராமகிருஷ்ணா கலை, அறிவியல் கல்லூரியில் உள்ள எஸ்என்ஆா் அரங்கில் 26-ஆம் தேதி காலை 9 மணி முதல் மாலை 6 மணி வரை நடைபெறும் இந்த முகாமில், சிறப்பு விருந்தினராக மாநகர காவல் ஆணையா் வே.பாலகிருஷ்ணன் பங்கேற்கிறாா்.

இதில் பங்கேற்க விரும்பும் முன்னாள் படை வீரா்கள், அவா்களின் குடும்பத்தினா் தங்களின் படை பணிச் சான்று, அடையாள அட்டை, வங்கிக் கணக்கு புத்தகம் ஆகிய ஆவணங்களின் அசலுடன் நேரில் வந்து குறைகளை தெரிவித்து நிவா்த்தி பெறலாம் என்று அவா் தெரிவித்துள்ளாா