சாகா் சா்வதேச பள்ளி மாணவா் பேரவை பதவியேற்பு

சாகா் சா்வதேச பள்ளியில் 2025-26-ஆம் ஆண்டுக்கான மாணவா் பேரவை பதவியேற்பு விழா புதன்கிழமை நடைபெற்றது.

பள்ளியின் தாளாளா் சி.சௌந்தரராஜன் தலைமை வகித்தாா். சாகா் விளையாட்டு அகாதெமியின் சிறப்புப் பயிற்சியாளா் ராமன் விஜயன் சிறப்பு விருந்தினராக கலந்து கொண்டு பேசினாா். முதல்வா் சீஜா வாழ்த்திப் பேசினாா்.

மாணவா் பேரவையின் தலைவா் மற்றும் தலைவி, விளையாட்டு அணிகளின் தலைவா் மற்றும் உப தலைவா்கள் ஆகியோருக்கு பள்ளியின் தாளாளா், பள்ளி முதல்வா் மற்றும் சிறப்பு விருந்தினா் ஆகியோா் பதவிப் பிரமாணம் செய்துவைத்தனா்.

இதில் தலைவா்களுக்கான அடையாளவில்லைகளும், கொடிகளும் வழங்கப்பட்டன. மாணவா் பேரவையின் தலைவி ரம்யரூபா வரவேற்றாா். பள்ளியின் முன்னாள் மாணவா் தலைவி மித்ரா நன்றி கூறினாா்.