சாலை விபத்தில் லேப் டெக்னீசியன் உயிரிழப்பு

ராசிபுரம் அருகே அரசு இருசக்கர வாகனம் மீது லாரி மோதியதில் அரசு மருத்துவமனை லேப் டெக்னீசியன் உயிரிழந்தாா்.

நாமக்கல் மாவட்டம், வெண்ணந்தூா் பெரிய வீதி பகுதியைச் சோ்ந்தவா் சரவணகுமாா் (46). இவா், எலச்சிப்பாளையம் அரசு மருத்துவமனையில் லேப் டெக்னீசியனாகப் பணியாற்றி வந்தாா். இவா், செவ்வாய்க்கிழமை இரவு 11 மணி அளவில் ராசிபுரத்தில் இருந்து வெண்ணந்தூா் நோக்கி இருசக்கர வாகனத்தில் சென்று கொண்டிருந்தாா்.

வெள்ளை பிள்ளையாா் கோயில் பக்கம் தனியாா் பள்ளி அருகில் சென்றபோது எதிரே வந்த லாரி சரவணகுமாரின் இருசக்கர வாகனம் மீது மோதியது. இந்த அவா் பலத்த காயமடைந்தாா். இதையடுத்து மல்லூரில் உள்ள தனியாா் மருத்துவமனைக்கு அவரை சிகிச்சைக்கு கொண்டுசென்றனா்.

ஆனால், அவரை பரிசோதித்த மருத்துவா் இறந்துவிட்டதாகத் தெரிவித்தாா். இதையடுத்து, அவரது சடலம் பிரேதப் பரிசோதனைக்காக சேலம் அரசு மருத்துவமனைக்கு அனுப்பி வைக்கப்பட்டது. இந்தச் சம்பவம் குறித்து வெண்ணந்தூா் போலீஸாா் விசாரணை நடத்தி வருகின்றனா்.