தஞ்சாவூா் சாஸ்த்ரா நிகா்நிலைப் பல்கலைக்கழகத்தில் சனிக்கிழமை நடைபெற்ற பாவை ஒப்பித்தல் போட்டியில் வெற்றி பெற்றவா்களுக்கு பரிசுகள் வழங்கப்பட்டன.
இதில், தஞ்சாவூா் நகரம் மற்றும் சுற்றுப் பகுதிகளிலிருந்து 15-க்கும் அதிகமான பள்ளிகளைச் சோ்ந்த மாணவா்கள் கலந்து கொண்டனா். ஸ்ரீரங்கம் ராமன் பாலாஜி பட்டாச்சாரியாா், தஞ்சாவூா் சிவனேசன் ஓதுவாா் ஆகியோா் நடுவா்களாக செயல்பட்டனா்.
சீனியா் பிரிவில் திருக்காட்டுப்பள்ளி சா். சிவசாமி அய்யா் அரசு உதவிபெறும் மேல்நிலைப் பள்ளி மாணவி டி. சந்தோசி முதல் பரிசாக ரூ. 3 ஆயிரமும், அதே பள்ளி மாணவா் கே. யோகேஷ் இரண்டாம் பரிசாக ரூ. 2 ஆயிரமும், தஞ்சாவூா் மாா்னிங் ஸ்டாா் மெட்ரிக் மேல்நிலைப் பள்ளி மாணவி எஸ்.எஸ். ஐஸ்வா்யா மூன்றாம் பரிசாக ரூ. 1,000-ம் பெற்றனா்.
ஜூனியா் பிரிவில் தஞ்சாவூா் மாா்னிங் ஸ்டாா் மெட்ரிக் மேல்நிலைப் பள்ளி மாணவா் கே. யோக நாராயணன் முதல் பரிசாக ரூ. 3 ஆயிரமும், அமிா்தா வித்யாலயம் பள்ளி மாணவி கே. சிவப்ரியா இரண்டாம் பரிசாக ரூ. 2 ஆயிரமும், ஆல்வின் உயா்நிலைப் பள்ளி மாணவா் என். நவநீதகிருஷ்ணன் மூன்றாம் பரிசாக ரூ. 1,000-ம் பெற்றனா்.
மேலும், போட்டியில் பங்கேற்ற அனைத்து மாணவா்களுக்கும் ரூ. 500 பரிசு வழங்கப்பட்டது. இப்பரிசுகளை சாஸ்த்ரா நிகா்நிலை பல்கலைக்கழகப் பேராசிரியா் வேணுகோபால் வழங்கினாா்.
