சித்த மருத்துவா்களுக்கு பயிற்சி: 98 போ் பங்கேற்பு

தமிழ்நாடு மாநில ஆயுஸ் குழுமம் சாா்பில் திருவண்ணாமலை, விழுப்புரம், கள்ளக்குறிச்சி உள்ளிட்ட 3 மாவட்டங்களைச் சோ்ந்த சித்த மருத்துவா்களுக்கான பயிற்சி முகாம் சனிக்கிழமை திருவண்ணாமலையில் நடைபெற்றது.

திருவண்ணாமலை மாவட்ட சித்த மருத்துவ அலுவலா் கே.இந்திரா தலைமை வகித்தாா்.

விழுப்புரம் மற்றும் கள்ளக்குறிச்சி மாவட்டங்களின் சித்த மருத்துவ அலுவலா் பெ.கருணாமூா்த்தி முன்னிலை வகித்தாா்.

இந்திய மருத்துவம் மற்றும் ஓமியோபதி ஆணையா் எம்.விஜயலட்சுமி சிறப்பு அழைப்பாளராகக் கலந்து கொண்டு சித்த மருத்துவா்களுக்கு தசைக்கூட்டு கோளாறுகளுக்கான வா்ம சிகிச்சை பற்றி முகாமை தொடங்கிவைத்துப் பேசினாா்.

முகாமில், 3 மாவட்டங்களைச் சோ்ந்த 98 சித்த மருத்துவா்கள் கலந்து கொண்டு தசை எலும்பு கோளாறுகளுக்கான வா்ம சிகிச்சை பயிற்சி பெற்றனா். இவா்களுக்கு பயிற்சியாளா்கள் சித்திக்கலி, சசிகுமாா் ஆகியோா் பயிற்சி அளித்தனா்.

முன்னதாக, சித்த மருத்துவக் கண்காட்சி அரங்குகளை ஆணையா் எம்.விஜயலட்சுமி பாா்வையிட்டாா். இதில், சித்த மருத்துவா் துரைவிநாயகம் உள்ளிட்டோா் கலந்து கொண்டனா்.