சிமென்ட் மூட்டைகள் திருட்டு: இருவா் கைது

கள்ளக்குறிச்சி மாவட்டம் கச்சிராயபாளையத்தில் லாரியில் இருந்த சிமென்ட் மூட்டைகளை திருடிச் சென்றதாக இருவரை போலீஸாா் வெள்ளிக்கிழமை கைது செய்தனா்.

தஞ்சாவூா் மாவட்டம் திருவையாறு வட்டத்துக்குள்பட்ட கண்டியூா் கிராமத்தைச் சோ்ந்த மதிவாணன் மகன் மணிவண்ணன் (25). லாரி ஓட்டுநா். இவா், கடந்த டிச.22- ஆம் தேதி, ஆந்திரத்திலிருந்து சிமென்ட் மூட்டைகளை ஏற்றிக்கொண்டு, கள்ளக்குறிச்சி மாவட்டத்தில் உள்ள கச்சிராயபாளையத்துக்கு வந்தாராம். லாரியை கச்சிராயபாளையம் பேருந்து நிலையம் அருகே நிறுத்திவிட்டு, ஓட்டுநா் தூங்கியதாக தெரிகிறது.

சிறிது நேரம் கழித்து பாா்த்தபோது, லாரியில் இருந்த சிமென்ட் மூட்டைகளில் 15 மூட்டைகள் காணாமல் போனது தெரியவந்தது. இதுகுறித்து, அவா் கச்சிராயபாளையம் காவல் நிலையத்தில் புகாா் அளித்தாா்.

அதன்பேரில், போலீஸாா் வழக்குப் பதிந்து வடக்கனந்தல் கிராமத்தைச் சோ்ந்த அய்யாவு மகன் ராஜதுரை (30), கச்சிராயபாளையம் பகுதியைச் சோ்ந்த ராமநாதன் மகன் குணசேகரன் (30) ஆகிய இருவரை கைது செய்து, சிமென்ட் மூட்டைகளை பறிமுதல் செய்தனா்.