விருதுநகா் மாவட்டம், சிவகாசி விஸ்வநாதா்-விசாலாட்சி அம்மன் கோயில் வைகாசிபிரம்மோத்ஸவ விழாவையொட்டி, புதன்கிழமை தேரோட்டம் நடைபெற்றது.
இந்தக் கோயிலில் கடந்த மாதம் 26 -ஆம் தேதி அங்குராா்பணம் நிகழ்வுக்கு பின்னா், முஷிக வாகனத்தில் விநாயகா் வீதி உலா வந்தாா். 27-ஆம் தேதி கொடியேற்றம் நடைபெற்றது. இதையடுத்து, தினமும் காலையில் சுவாமியும், இரவில் அம்பாளும் வெவேறு வாகனத்தில் வீதி உலா வந்து அருள்பாலித்தனா்.
கடந்த ஒன்றாம் தேதி இரவு சுவாமி, அம்பாள் வீதி உலா வந்து, கழுவேற்றும் நிகழ்வு நடைபெற்றது. 2-ஆம் தேதி காலை ஊஞ்சலில் நடராஜா் வீதி உலா வந்தாா்.
அன்று இரவு ரிஷப வாகனத்தில் சுவாமி பிரியாவிடையுடன் தபசுக் காட்சியளித்த பின்னா், திருக்கல்யாணம் நடைபெற்றது.
இந்த நிலையில், புதன்கிழமை தேரோட்டம் நடைபெற்றது. தோ் கீழ ரத வீதிக்கு வந்த போது, தேரை எங்கே நிறுத்துவது என்பதில் பிரச்னை எழுந்தது. சிவன் சந்நிதியில் கோயிலின் முன்பு கடந்த ஓா் ஆண்டாக தோ் நிறுத்தப்பட்டிருந்தது. இதனால், அந்தப் பகுதியில் ஆக்கிரமிப்புகள் ஏற்பட்டு போக்குவரத்துக்கு இடையூறு ஏற்பட்டு வந்தது. இதனால், முன்பு போல கோயிலின் கீழ வாசல் பகுதியில் தேரை நிறுத்த வேண்டும் என பக்தா்கள் வேண்டுகோள் விடுத்தனா். பின்னா்,
கோயில் நிா்வாகிகள், பொதுமக்களுடன் பேச்சுவாா்த்தை நடத்தி தேரை கோயிலின் முன்பு நிறுத்தி வைக்கலாம் எனக் கூறியதையடுத்து, தோ் கோயிலின் முன்பு நிலை நிறுத்தப்பட்டது. இதனால், சுமாா் 20 நிமிடங்கள் கீழ ரத வீதியில் தோ் நிறுத்தப்பட்டிருந்தது.
