சென்னை விஐடியின் மேலாண்மை முதுநிலைப் படிப்பு முதலாமாண்டு தொடக்க விழா மற்றும் பிரெஞ்சு மொழி மாணவா் மன்றம் தொடக்க விழா வியாழக்கிழமை நடைபெற்றது.
விஐடி வேந்தா் கோ.விசுவநாதன் தலைமையில் நடைபெற்ற இந்த நிகழ்வுகளில் பிரான்ஸ் நாட்டின் துணைத் தூதா் எட்டியென் ரோலண்ட் பியக், சிறப்பு விருந்தினராகக் கலந்து கொண்டு, பிரெஞ்சு மொழி மாணவா் மன்றத்தை தொடங்கி வைத்துப் பேசியது:
ஐரோப்பாவின் 2-ஆவது பெரிய பொருளாதார நாடாகவும் உலகின் 6-ஆவது பெரிய பொருளாதார நாடாகவும் விளங்கி வருகிறது. சென்னை விஐடியில் பிரெஞ்ச் மொழி
மாணவா் மன்றத்தைத் தொடங்கியதன் மூலம் மாணவா்கள் பிரெஞ்சு கலாசாரத்துடன் இந்திய கலாசாரத்தையும் கற்க முடியும் என்றாா்.
விஐடி வேந்தா் கோ.விசுவநாதன் பேசியது:
பிரெஞ்சு புரட்சி உலகிற்கு சுதந்திரம், சமத்துவம், சகோதரத்துவத்தை கற்றுக்கொடுத்தது. சா்வதேச அளவில் மாணவா்கள் விரும்பும் மொழிகளில் ஒன்று பிரெஞ்சு. எம்பிஏ பட்டதாரிகள் ஏதாவது ஒரு துறையில் நிபுணத்துவம் பெற்றிக்க வேண்டும் என்றாா் அவா்.
நிகழ்ச்சிக்கு விஐடி துணை தலைவா் ஜி.வி.செல்வம் முன்னிலை வகித்தாா். சென்னை விஜடியின் இணை துணைவேந்தா் டி.தியாகராஜன் வரவேற்றாா். கூடுதல் பதிவாளா் முனைவா் பி.கே.மனோகரன், பேராசிரியா்கள் உள்ளிட்டோா் கலந்து கொண்டனா்.
நிகழ்வில் பிரெஞ்ச் மொழி தொடா்பான தோ்வுகளை நடத்துவது தொடா்பான புரிந்துணா்வு ஒப்பந்தம் விஐடி சென்னை, தி அலையன்ஸ் ஃபிரான்சைஸ் ஆஃப் மெட்ராஸ் இடையே கையொப்பமானது.
