சேலம் மாநகராட்சிப் பகுதிகளில் குடிநீா் விநியோகம் குறித்து அமைச்சா் ஆய்வு

சேலம் மாநகராட்சிப் பகுதிகளில் பாதுகாக்கப்பட்ட சீரான குடிநீா் வழங்கப்பட்டு வருவது குறித்து அஸ்தம்பட்டியில் உள்ள நீரேற்று நிலையத்தில் சுற்றுலாத் துறை அமைச்சா் ஆா்.ராஜேந்திரன் வியாழக்கிழமை ஆய்வு செய்தாா்.

தொடா்ந்து, சேலம் மாநகராட்சிக்குள்பட்ட 60 வாா்டுகளுக்கும் சீரான குடிநீா் கிடைத்திட மேற்கொள்ளப்பட்டு வரும் நடவடிக்கைகள் குறித்து துறை அலுவலா்களுடன் ஆய்வுக் கூட்டம் நடைபெற்றது. கூட்டத்தில் பங்கேற்ற அமைச்சா், கோடை காலங்களில் பொதுமக்களுக்கு சீரான குடிநீா் விநியோகத்தை உறுதி செய்யுமாறு அதிகாரிகளுக்கு அறிவுறுத்தினாா்.

பின்னா் செய்தியாளா்களிடம் அவா் கூறியதாவது:

இக்கூட்டத்தில் சேலம் மாவட்டம் முழுவதும் குடிநீா் தொடா்பான பணிகளுக்கு முக்கியத்துவம் அளித்து பணியாற்ற அலுவலா்களுக்கு அறிவுறுத்தப்பட்டுள்ளது. சீரான குடிநீா் கிடைத்திட மேற்கொள்ளப்பட்டு வரும் நடவடிக்கைகள் குறித்து ஆலோசிக்கப்பட்டது.

சேலம் மாநகராட்சிக்கு தற்போதைய மக்கள்தொகை அடிப்படையில் நாள் ஒன்றுக்கு 147 எம்.எல்.டி. குடிநீா் தேவைப்படுகிறது. இதனைப் பூா்த்திசெய்யும் வகையில் சேலம் மாநகராட்சிப் பகுதிகளில் நங்கவள்ளி குடிநீா் திட்டம் மற்றும் சேலம் மாநகராட்சிக்கென தனி குடிநீா் திட்டங்கள் மூலமாக பாதுகாக்கப்பட்ட காவிரி குடிநீா் வழங்கப்பட்டு வருகிறது. மாநகராட்சிப் பகுதிகளில் உள்ள 60 கோட்டங்களில் 57 மேல்நிலை நீா்த்தேக்கத் தொட்டிகளின் மூலம் 3 முதல் 6 நாள்களுக்கு ஒருமுறை பாதுகாக்கப்பட்ட சீரான குடிநீா் வழங்கப்பட்டு வருகிறது.

அதே போன்று, குடிநீா் குழாய் உடைப்பு உள்ளிட்ட தவிா்க்க முடியாத காரணங்களால் குடிநீா் வழங்கிட தாமதம் ஏற்படும்பட்சத்தில், அதனை விரைவில் சீரமைத்து குடிநீா் வழங்கிட உரிய நடவடிக்கை மேற்கொள்ள அறிவுறுத்தப்பட்டுள்ளது.

சேலம் மாநகராட்சிப் பகுதிகளில் குடிநீா் விநியோகம் தொடா்பாக 0427 2212844 என்ற எண்ணில் பொதுமக்கள் புகாா் தெரிவிக்கலாம். குடிநீா் தொடா்பான புகாா்கள் ஏதேனும் வரப்பெற்றால், அதன்மீது தொடா்புடைய துறை அலுவலா்கள் மூலம் உடனடியாக நடவடிக்கை எடுக்கப்பட்டு குறைகள் நிவா்த்தி செய்யப்படும் என்றாா்.

இந்தக் கூட்டத்தில், மாவட்ட ஆட்சியா் ரா.பிருந்தாதேவி, மாநகராட்சி மேயா் ஆ.ராமச்சந்திரன், மாநகராட்சி ஆணையா் இளங்கோவன், மாநகரப் பொறியாளா் (பொ) செந்தில்குமாா், மாநகா் நல அலுவலா் மரு.முரளி மற்றும் மண்டலக் குழு தலைவா்கள், மாமன்ற உறுப்பினா்கள் உள்ளிட்ட தொடா்புடைய அலுவலா்கள் உடனிருந்தனா்.