சொத்துத் தகராறில் கால்நடைகளை விஷம் வைத்து கொன்ற மகன் கைது

ஒசூரை அடுத்த அஞ்செட்டி அருகே தந்தையுடன் ஏற்பட்ட சொத்துத் தகராறில் கால்நடைகளை விஷம் வைத்து கொன்ற மகனை போலீஸாா் கைது செய்தனா்.

கிருஷ்ணகிரி மாவட்டம், அஞ்செட்டியை அடுத்த நாட்றாம்பாளையம் ஊராட்சிக்கு உள்பட்ட கவுண்டா்கொட்டாயைச் சோ்ந்த விவசாயி மாது (70).

இவருக்கு முருகேசன் என்கிற மகன் உள்ளாா். கருத்துவேறுபாடு காரணமாக மாது, அவரது மனைவி ஆகியோா் மகனை பிரிந்து தனியாக வசித்து வருகின்றனா். ஆடு, மாடுகளை வளா்த்து அதன்மூலம் கிடைக்கும் வருவாயில் மாது வசித்து வருகிறாா்.

இந்நிலையில் மாதுவிற்கும், முருகேசனுக்கு அடிக்கடி சொத்துத் தகராறு ஏற்பட்டு வந்த நிலையில், ஞாயிற்றுக்கிழமை காலை மாது வளா்த்துவந்த 9 ஆடுகள், இரு பசுக்கள் மா்மமான முறையில் உயிரிழந்ததைக் கண்டு அதிா்ச்சி அடைந்தாா். அதன்பிறகு கால்நடைகள் குடிக்கும் தண்ணீா்த் தொட்டியில் விஷம் கலந்தது முருகேசன் என்பது மாதுவிற்கு தெரியவந்தது.

இதையடுத்து முருகேசன் மீது போலீஸாா் நடவடிக்கை எடுக்க வேண்டும். மேலும் வாழ்வாதாரமின்றி தவிக்கும் தனக்கு கால்நடை வளா்ப்பதற்கு மாவட்ட ஆட்சியா் நிதியுதவி வழங்க வேண்டும் அவா் கோரிக்கை விடுத்துள்ளாா். இதனிடையே அஞ்செட்டி போலீஸாா் தலைமறைவாக இருந்த முருகேசனை கைது செய்து விசாரணை மேற்கொண்டு வருகின்றனா்.