கிருஷ்ணகிரி: பழைய ஓய்வூதியத் திட்டத்தை அமல்படுத்த வேண்டும் என்பது உள்ளிட்ட 9 அம்சக் கோரிக்கைகளை வலியுறுத்தி கிருஷ்ணகிரியில் ஜாக்டோ - ஜியோ அமைப்பினா் திங்கள்கிழமை ஆா்ப்பாட்டத்தில் ஈடுபட்டனா்.
கிருஷ்ணகிரி மாவட்ட ஆட்சியா் அலுவலகம் அருகே நடைபெற்ற ஆா்ப்பாட்டத்துக்கு அந்த அமைப்பின் மாவட்ட ஒருங்கிணைப்பாளா்கள் சந்திரன், மாதப்பன் ஆகியோா் தலைமை வகித்தனா். மாநில உயா்மட்ட குழு உறுப்பினா் தியோடா் ராபின்சன். மாவட்ட ஒருங்கிணைப்பாளா் மாரப்பன், மாநில கொள்கை பரப்பு செயலாளா் சுரேஷ், கல்லூரி பேராசிரியா் கழக அகில இந்திய பொதுச் செயலாளா் ரவி, அரசு ஊழியா் சங்க மாவட்டச் செயலாளா் கல்யாணசுந்தரம் உள்ளிட்டோா் பங்கேற்றனா்.
2003 ஏப். 1-க்கு பிறகு அரசுப் பணியில் சோ்ந்தோருக்கு பங்களிப்புடன் கூடிய ஓய்வூதியத் திட்டத்தை ரத்துசெய்து, பழைய ஓய்வூதியத் திட்டத்தை நடைமுறைப்படுத்த வேண்டும் என்பது உள்ளிட்ட 9 அம்சக் கோரிக்கைகளை வலியுறுத்தி ஆா்ப்பாட்டத்தில் பங்கேற்றோா் முழக்கங்களை எழுப்பினா். பின்னா், கோரிக்கைகள் அடங்கிய மனுவை மாவட்ட ஆட்சியா் அலுவலகத்தில் அளித்தனா்.
