ஜி.வி. பிரகாஷ் குமார் நடிப்பில் உருவாகியுள்ள கிங்ஸ்டன் படத்தின் முதல் பாடல் வெளியாகி ரசிகர்களை ஈர்த்து வருகிறது.
ஜி.வி.பிரகாஷ் குமாரின் பேரலல் யூனிவர்ஸ் பிக்சர்ஸ் மற்றும் ஜீ ஸ்டூடியோஸ் இணைந்து தயாரிக்கும் ஜிவி - 25 படத்தை கமல் பிரகாஷ் எழுதி, இயக்குகிறார். இப்படத்துக்கு கிங்ஸ்டன் எனப் பெயரிடப்பட்டுள்ளது.
பேச்சிலர் திரைப்படத்தில் ஜி.வி.பிரகாஷ் குமாருக்கு ஜோடியாக நடித்த திவ்யபாரதியே, கிங்ஸ்டன் படத்திலும் நாயகியாக நடிக்கிறார். ஜி.வி.பிரகாஷ் குமாரே இப்படத்துக்கு இசையமைக்கிறார்.
இதையும் படிக்க: சப்தம் படத்தின் தணிக்கைச் சான்றிதழ்!
கடலில் உள்ள மர்மத்தைக் கண்டறியும் மீனவரின் கதையாக இப்படம் எடுக்கப்பட்டுள்ளது. மீனவராக ஜி.வி.பிரகாஷ் நடிக்கிறார்.
கிங்ஸ்டன் படத்தின் படப்பிடிப்பு சமீபத்தில் நிறைவு பெற்ற நிலையில், இப்படம் மார்ச் 7 ஆம் தேதி வெளியாகும் என்று அறிவிக்கப்பட்டுள்ளது.
இந்த நிலையில், கிங்ஸ்டன் படத்தின் முதல் பாடலான ராசா ராசா பாடலை படக்குழு வெளியிட்டுள்ளது. இப்பாடலுக்கான வரிகளை யுகபாரதி எழுதியுள்ளார். இப்பாடலை ஜிவி பிரகாஷ் குமார், சுப்லக்ஷினி இணைந்து பாடியுள்ளனர்.
