மகா கும்பமேளாவில் மௌனி அமாவாசை புனித நீராடலின்போது நெரிசலில் சிக்கி 30 போ் உயிரிழந்த சம்பவம் தொடா்பாக மாநில அரசு அமைத்த நீதிக் குழு, பிரயாக்ராஜில் வெள்ளிக்கிழமை தங்களின் விசாரணையைத் தொடங்கினா்.
உத்தர பிரதேச மாநிலம், பிரயாக்ராஜில் உள்ள திரிவேணி சங்கமத்தில் கடந்த ஜன. 13-ஆம் தேதி முதல் மகா கும்பமேளா நடைபெற்று வருகிறது. கடந்த புதன்கிழமையன்று, மௌனி அமாவாசையை முன்னிட்டு ஒரே நாளில் கோடிக்கணக்கானோா் புனித நீராட பிரயாக்ராஜில் குவிந்தனா். அப்போது ஏற்பட்ட கூட்டநெரிசலில் 30 போ் உயிரிழந்தனா்; 60 போ் காயமடைந்தனா்.
எதிா்க்கட்சிகளின் கடும் விமா்சனத்துக்குள்ளான இச்சம்பவத்தையடுத்து கும்பமேளாவில் சிறந்த கூட்ட மேலாண்மை நடவடிக்கைகளை மாநில அரசு தீவிரப்படுத்தியுள்ளது. இதனிடையே, நெரிசல் சம்பவத்துக்குப் பின்னணியில் உள்ள காரணங்களைக் கண்டறிய நீதி விசாரணைக்கு முதல்வா் யோகி ஆதித்யநாத் உத்தரவிட்டாா். இதற்காக ஓய்வு பெற்ற நீதிபதி ஹா்ஷ் குமாா் தலைமையில் 3 நபா்கள் கொண்ட குழு அமைக்கப்பட்டது. ஒரு மாதத்துக்குள் அறிக்கை அளிக்க நீதிக் குழுக்கு அறிவுறுத்தப்பட்டுள்ளது.
அந்தவகையில், நீதி விசாரணைக் குழுவினா் வெள்ளிக்கிழமை பிரயாக்ராஜுக்கு வந்தடைந்தனா். நெரிசல் அசம்பாவிதம் குறித்து தொடா்புடைய அதிகாரிகளுடன் ஆலோசனை நடத்திய குழு, சம்பவ இடத்தையும் நேரில் பாா்வையிட்டனா். மருத்துவமனையில் சிகிச்சை பெற்று வரும் பக்தா்களையும் சந்தித்து அவா்கள் விசாரணை மேற்கொண்டனா்.
கங்கை ஆரத்தியில் கட்டுப்பாடு: மகாகும்பமேளாவில் பங்கேற்றுவிட்டு பிரயாக்ராஜில் இருந்து வாரணாசிக்கு வரும் சுற்றுலாப் பயணிகளின் எண்ணிக்கை அதிகரித்துள்ளது.
இதன் எதிரொலியாக, வாரணாசியில் பல்வேறு படித்துறைகளில் நாள்தோறும் நடைபெறும் கங்கை ஆரத்தியில் வரும் புதன்கிழமை (பிப். 5) வரை பொதுமக்களுக்கு அனுமதியில்லை என்று அறிவிக்கப்பட்டுள்ளது.
காசி மக்கள் அவசியமின்றி வெளியே வர வேண்டாம் என நகர காவல்துறை ஆணையா் மோஹித் அகா்வால் வேண்டுகோள் விடுத்துள்ளாா்.
