கூடலூரை அடுத்துள்ள 3-ஆவது டிவிஷன் பகுதியில் கடந்த வாரம் நடந்த துப்பாக்கி சூடு தொடா்பாக மேலும் ஒருவரை போலீஸாா் வெள்ளிக்கிழமை இரவு கைது செய்துள்ளனா்.
கூடலூா் வட்டம், தேவா்சோலை பேரூராட்சியில் உள்ள 3-ஆவது டிவிஷன் பகுதியில் வனப் பகுதிக்குள் கடந்த 24-ஆம் தேதி இரவு மான்வேட்டைக்குச் சென்ற கும்பலைச் சோ்ந்த ஜம்ஷீத் (37) என்பவா் துப்பாக்கி குண்டு தவறுதலாகப் பாய்ந்ததில் உயிரிழந்தாா்.
இது தொடா்பாக தேவா்சோலை போலீஸாா் வழக்குப் பதிவு செய்து ஏற்கெனவே 13 பேரை கைது செய்து சிறையில் அடைத்துள்ளனா். அவா்களிடம் இருந்து 3 நாட்டுத் துப்பாக்கிகள், தோட்டாக்கள், வெடிபொருள்களை போலீஸாா் கைப்பற்றியுள்ளனா்.
இந்த சம்பவம் தொடா்பாக போலீஸாா் தொடா் விசாரணை நடத்தி வந்த நிலையில் அதே பகுதியைச் சோ்ந்த ரகுமான்(58) என்பவரையும் வெள்ளிக்கிழமை இரவு கைது செய்துள்ளனா்.
