ஜோதிடத்தில் மன ஆரோக்கியம் பற்றி அறிய முடியுமா?

"மனம் செயல்பாடு" என்பது வேறு, "புத்திசாலிதனம்" என்பது வேறு என்பதை முதலில் தெரிந்துகொள்ள வேண்டும். ஒரு சில புத்திசாலித்தனம் மிக்கவர்கள் பிற்காலத்தில் மன நிம்மதியற்ற நிலையில், போதைக்கு அடிமை, மனநிலை பாதிப்பது போன்றவை நிகழ்வதைப் பார்த்திருக்கலாம்.

மன ஆரோக்கியம் கெடும் வழிகள் அல்லது கெடுவதற்கான மூலகாரணங்கள்

சரியான புரிதல்(தாமாக புரிந்துகொள்ளல்), தெளிதல் (பிறர் கூறுவதைக் கண்டு தெளிவடைதல்) இவை இரண்டும் இல்லாதிருப்பது. தவறான எண்ணம், செய்கை இவை இரண்டும் தாமாக செய்வது; பிறருடன் சேர்க்கை (சரியான நபர் அல்லாதோரோடு) போன்றவைகளால் ஏற்படுவது.

ஒரு நபர், அவருக்கு முதலில் மனதில் தோன்றுவதை சரியாக இருக்குமென்று (முதல் உள்ளுணர்வு) நம்பி தமது வாழ்க்கையை அழித்துக் கொண்டவர்களும் உண்டு. இதுவும் மன ஆரோக்கிய குறைபாடே ஆகும். அதுபோல் மாணாக்கர்களிடையே தோன்றும் அதீத நம்பிக்கையும் இங்கு குறிப்பிட வேண்டும். இவைகளும் மன ஆரோக்கியமாக உள்ளது என்று கூறிவிட முடியாது.

மன இறுக்கம்

ஆட்டிசம் கோளாறுகளில் மன இறுக்கம் மற்றும் தொடர்புடைய கோளாறுகள் அடங்கும். மன இறுக்கத்தின் அளவு லேசானது முதல் கடுமையானது வரை மாறுபடும். ஆழ்ந்த அறிவுசார் இயலாமை பெரும்பாலும் கடுமையாகப் பாதிக்கப்பட்ட நபர்களில் காணப்படுகிறது.

மன இறுக்கம் கொண்ட நபர்கள் சுவாச பிரச்னைகள், ஊட்டச்சத்து பிரச்னைகள் (பல உணவுகளை மறுப்பதால், உணவு ஒவ்வாமை) மற்றும் உணர்ச்சிப் போராட்டங்களால் (மனச்சோர்வு மற்றும் பதட்டம் போன்றவை) பாதிக்கப்படுகின்றனர். சுதந்திரமான செயல்பாடு மற்றும் வாழ்க்கைத் தரம் இரண்டையும் அதிகப்படுத்துதல் மற்றும் அறிகுறிகளைக் குறைத்தல் ஆகியவை மன இறுக்கத்தை நிர்வகிப்பதற்கான முக்கிய குறிக்கோள்களாகும். மன இறுக்கம் கொண்ட நபர்களுக்கு நல்ல மருத்துவ பராமரிப்பு மற்றும் சுகாதார நிபுணர்களின் தகுந்த ஆதரவு அவசியம்.

மலஜலம் சரியாக கழிப்பவர்கள், உடல் ஆதார நிலையோடு மன ஆரோக்கியமாகவும் உதவுகிறது. பிறக்கும் குழந்தைகளில் சிலர் மன ஆரோக்கிய குறைபாடோடு, ஆட்டிசம் போன்ற நோய்களுக்கு ஆளாக்கப்படுவதற்கு அவர்களின் பெற்றோர்கள், குறிப்பாக தாயின் வயிற்றில் மல ஜலம் இருந்த நிலையில் தாம்பத்தியம் கொள்வதாலும் என ஒரு ஆய்வறிக்கை தெரிவிக்கிறது.

குரு நீச்சம் (மகரத்தில், குரு), சந்திரன் நீச்சம் (விருச்சிகத்தில், சந்திரன்) மற்றும் ராகு, கேதுவால் பாதிக்கப்பட்ட செவ்வாய், சனி போன்றவற்றை ஜாதக ரீதியாக மனவளர்ச்சி குன்றியதற்கும், ஆட்டிசம் நோய்க்கு காரணமாகும்.

ஜோதிடமும் மன ஆரோக்கியமும்..

நமது ஜாதகம் நம் உடல், ஆன்மா, வாழ்க்கை மற்றும் நோக்கத்தின் ஒவ்வொரு அம்சத்தையும் தெளிவாக உணர்த்துகிறது. கிரகங்கள், அவற்றின் இயக்கம் மற்றும் இயல்பு மற்றும் அவற்றின் நிலை ஆகியவை ஆரோக்கியமான மற்றும் சுறுசுறுப்பான மனதையும் உடலையும் பராமரிப்பதில் முக்கிய பங்கு வகிக்கின்றன என்பதை உங்களுக்குத் தெரியுமா?

கிரகங்களின் ஆரோக்கியமற்ற நிலை மற்றும் இயல்புடன், நமது மனம் மற்றும் உடல் ஆரோக்கியம் சமமாக உள்ளதா என அறிய வேண்டும். பொதுவாக, நமது உடல் மற்றும் மன ஆரோக்கியம் நமது பிறப்பு ஜாதகத்தில் நமது கிரக நிலையைப் பொறுத்தது.

பொதுவாக, மருத்துவ ஜோதிடத்தில், நமது மன ஆரோக்கியம் நான்கு கிரகங்கள் மற்றும் அவர்கள் அமர்ந்திருக்கும் வீடு, வெவ்வேறு ராசிகளால் மட்டுமே அதிகமாகப் பாதிக்கப்படுகிறது. நீங்கள் மனநோயை அனுபவிக்கக்கூடிய விளக்கங்கள் மற்றும் சூழ்நிலைகள் மற்றும் குணப்படுத்த நீங்கள் என்ன செய்ய முடியும் என்பவை கீழே உள்ளன.

ஜாதகத்தில் மன நோயின் அறிகுறி

• ஒரு ஜாதகத்தின் அனைத்து கிரக நிலைகள், வீடுகள் மற்றும் ராசி அறிகுறிகளுடன் வெவ்வேறு மனநிலைகள், மனச்சோர்வு மற்றும் பதட்டம் ஆகியவற்றை நிவர்த்தி செய்கின்றன. இது குறுகிய மற்றும் நீண்ட கால மாறுபட்ட மன நல பிரச்னைகளை ஏற்படுத்தக்கூடும்.

• சந்திரன் மனதின் அடையாளம். பிறந்த ஜாதகத்தில் சந்திரன் கெட்டு இருந்தால் மனநலம் பாதிக்கப்படுகிறது.

• ஜாதகத்தில் நரம்பு மண்டலத்தின் காரணியான புத பகவான் பாதிக்கப்படும்போது, ஒருவருக்கு மனநலம் பாதிக்கப்படுகிறது.

• கூடுதலாக, ஞானம் மற்றும் முதிர்ச்சியின் அடையாளம் (வியாழன்) குரு கிரகம் பாதிக்கப்படும்போது, அது மோசமான உணர்ச்சி மற்றும் மன ஆரோக்கியத்தை விளைவிக்கிறது.

• 5வது வீடு விளையாட்டுத்தனம் மற்றும் நம்பிக்கையின் உறைவிடம். மிதுனம் அல்லது கும்பம் போன்ற காற்று அடையாளம் வீட்டைப் பாதிக்கப்படும்போது, அது மனநல கோளாறு அல்லது பகுத்தறிவின்மைக்கு வழிவகுக்கும்.

• ஒரு மோசமான 5வது வீடு ஒரு நபரை உடல்நிலை சரியில்லாத உணர்ச்சி நிலைக்கு இட்டுச் செல்கிறது.

• மேலும், 7ஆம் வீட்டில் செவ்வாய் கிரகத்துடன் லக்னத்தில் வியாழன் கிரகம் இருக்கும் போது, அது ஒரு ஜாதகருக்கு மனக்கசப்பை ஏற்படுத்துகிறது.

• மெதுவான கிரகமான சனி மனச்சோர்வு மற்றும் பதட்டத்திற்கான காரகர்களில் ஒன்றாகும். ஒரு ஜாதகத்தில், லக்கினத்தில் சனி மற்றும் 5வது வீடு அல்லது 7வது வீடு அல்லது 9 வது வீட்டில் செவ்வாயுடன் இருக்கும்போது, அது மனநல கோளாறுகளைத் தூண்டுகிறது.

• கூடுதலாக, பலவீனமான சந்திரனுடன் சனி 12வது வீட்டில் இருக்கும்போது, ஒரு ஜாதகர் உளவியல் பிரச்னைகளால் பாதிக்கப்படலாம்.

• லக்னத்தில் சனி, பன்னிரெண்டாம் வீட்டில் சூரியன், செவ்வாய் அல்லது சந்திரன் ஆகியோர் மன நோயை உருவாக்குகிறார்கள்.

• செவ்வாய் அல்லது சூரியனுடன் மற்றும் 2 வது வீட்டின் அதிபதியுடன் சனி இணைந்தால் மனநல பிரச்சினைகள் ஏற்படும்.

• மேலும், சனி பகவான் போக்கு கொண்ட தீய கிரகம் 7 வது வீட்டில் இருக்கும்போது, ஒரு தீய கிரகத்தால் பாதிக்கப்படும் போது, அது உளவியல் சிக்கல்களை விளைவிக்கிறது.

• ராகு மற்றும் சந்திரன் லக்னத்தில் மற்றும் திரிகோணத்தில் ( 5,9 ல் ) ஒரு தீய சக்தியுடன் கூடிய கிரகம் இருக்கும் போது, அது ஃபோபியா கோளாறுகளை ஏற்படுத்துகிறது. அதாவது ஒரு பொருளை / இடத்தை / விலங்கை / சூழலைக் கண்டு பயம் கொள்ளுதல்.

சர்வாஷ்டக வர்கம் மூலம் பலன் அறிதல்

ஜோதிடத்தில் ஒரு அங்கமான "சர்வாஷ்டக பரல்கள்" ( SAV ) கொண்டு பலன் அறிதல் மூலமாக தெரிந்து கொள்ள, ஒருவரின் ஜாதகத்தில் லக்ன பாவம் பெற்ற பரல்களை விட நான்காம் பாவம் பெறும் பரல் குறைவாக இருத்தல் வேண்டும். லக்ன பாவம், நான்காம் பாவம் பெற்ற பரல்களை விட அதிக பரல்களை பெற்றிருப்பின் அந்த ஜாதகர் "ஆன்மா சொல் படி" நடப்பவர் ஆகிறார். அதனால் இவர் எடுக்கும் முடிவில் நியாயம் இருக்கும்.

அதே சமயம் நான்காம் பாவம் , லக்ன பாவத்தை விட அதிக பரல்களைப் பெற்றிருந்தால் அவர் "அறிவு சொல் படி" தான் நடப்பார். இதனால், இந்த ஜாதகர் எடுக்கும் முடிவில் நியாயம் இருக்காது. இப்படி இருந்தால் அவரின் மன நிலை எப்படி இருக்கும் அதன் பின்விளைவுகளை கேட்கவும் வேண்டுமா. இதனாலும் ஒருவரின் மன ஆரோக்கியம் கெடும். பராசரரின் கூற்று படி லக்ன பாவம் 25 பரல்களும், நான்காம் பாவம் 24 பரல்களும் குறைந்த பட்சமாக பெற்றிருப்பது அவசியம்.

மோசமான மன ஆரோக்கியத்திற்கான பரிகாரங்கள்

மன ஸ்திரத்தன்மை தொடர்பான நோய்களுக்கான பல தீர்வுகளை நமது ஜோதிட நிபுணர்கள் பட்டியலிட்டுள்ளனர். அவற்றில் சிலவற்றை இங்கே காணலாம்.

1. தீங்கு விளைவிக்கும் கிரகத்தின் வழிபாடு ஏற்ற இறக்கம் மற்றும் ஓட்டத்தைச் சேர்க்கும்.

2. "நவகிரக பூஜை" செய்வதால் 9 கிரகங்களும் நன்மை தருவதாய் இருக்கும் .

3. மேலே விளக்கப்பட்ட படி, மன ஆரோக்கியத்தை மேம்படுத்துவதில் சந்திரனுக்கு அதிக முக்கியத்துவம் உள்ளது. எனவே, சந்திர யந்திரம் அல்லது சந்திர யந்திரத்தை வைத்து பூஜிப்பது , ஸ்ரீ சக்கரம், மகா மேரு மற்றும் அர்த்த மேரு போன்றவையுடன் கூடிய சாந்த நிலையில் உள்ள அம்மனை , கையில் ஆயுதங்களற்ற அம்பாளை வணங்குதல், சரியான மகிழ்ச்சியான விளைவுகளை அளிக்கும்.

4. லக்ன அதிபதி அல்லது லக்ன அதிபதியுடன் சம்பந்தப்பட்டவர்களையும் வழிபட வேண்டும்.

5. மாதத்தில் ஒரு நாளாவது அல்லது ஒரு நாளில் ஒரு மணி நேரமாவது மெளனமாக இருப்பது மன ஆரோக்கியத்தை வளர்க்கும்.

6. தாயார் இருப்பின் அவர்களை வணங்குதல், அவர் கோபப்படாமல், வருத்தப்படாமல் இருக்க செய்வதும் , அவர்களின் மனம் நோகாமல் இருக்க வைப்பதும், ஒரு சிறந்த பரிகாரமே.

ஆரோக்கியமான உணவு வகைகள் கூட மனதை ஆரோக்கியமாக வைத்திருக்கும்... ஏற்கனவே, மன ஆரோக்கியமாக திடமாக உள்ளவர்கள், பாதாம் , அக்ரூட் (walnut) போன்ற சக்தி தரும் கொட்டைகள், பேரீச்சம் பழம், கிவி போன்ற பழங்கள், சிவப்பரிசி, சத்து மாவு, கீரை வகைகள் போன்றவை அருந்தி உடலையும், மனதையும் திடமாக வைத்திருக்க உதவும். முக்கியமாக கல்வி கற்கும், விளையாட்டு துறையில் இருக்கும் மாணவர்கள் தமது உடலோடு, மனதையும் ஆரோக்கியமாக இருக்க பார்த்துக் கொள்ளுதல் அவசியமாகிறது.

வாட்சப் தொடர்புக்கு: 98407 17857