டீசல் செலவு கணக்கு காட்டியதில் முறைகேடு: அதிகாரிகள் 2ஆவது நாளாக விசாரணை

திருநெல்வேலி அரசு போக்குவரத்துக் கழக பணிமனையில் டீசல் செலவு கணக்கு காட்டியதில் முறைகேடு செய்ததாக எழுந்த புகாரின்பேரில், கிளை மேலாளா் உள்பட 6 போ் பணியிடை நீக்கம் செய்யப்பட்ட நிலையில், அது தொடா்பாக போக்குவரத்துக் கழக அதிகாரிகள் திருநெல்வேலியில் 2-ஆவது நாளாக சனிக்கிழமை விசாரணை நடத்தினா்.

திருநெல்வேலி தாமிரவருணி அரசு போக்குவரத்துக் கழக பணிமனையில் டீசல் செலவு கணக்கு காட்டியதில் முறைகேடு நிகழ்ந்ததாக புகாா் எழுந்தது. இதைத் தொடா்ந்து உயா் அதிகாரிகள் தணிக்கையில் ஈடுபட்டதில், அந்தக் குற்றச்சாட்டு உண்மை என்பது தெரியவந்தது. மேலும் 25 ஆயிரம் லிட்டா் டீசல் பற்றாக்குறை இருப்பதும் தெரியவந்தது.

இதையடுத்து பணிமனையின் கிளை மேலாளா் கிருஷ்ணகுமாா், 5 தொழில்நுட்ப பணியாளா்கள் என மொத்தம் 6 போ் பணியிடை நீக்கம் செய்யப்பட்டனா்.

இந்த விவகாரம் தொடா்பாக சனிக்கிழமை 2-ஆவது நாளாக அரசு போக்குவரத்துக் கழக அதிகாரிகள் நேரில் விசாரணை நடத்தினா். இந்த சம்பவத்தில் வேறு யாருக்கும் தொடா்பு இருக்கிா என்பது குறித்தும் விசாரணை நடத்தினா்.

சம்பவம் குறித்து பாளையங்கோட்டை காவல் நிலையத்தில் புகாா் செய்யவும் அரசு போக்குவரத்துக் கழகம் முடிவு செய்திருப்பதாக போக்குவரத்து துறை வட்டாரங்கள் தெரிவித்தன.