மதுரை அருகே வாகனம் நிறுத்துவது தொடா்பாக ஏற்பட்ட தகராறில் கீழே தள்ளிவிடப்பட்ட புகைப்படக் கலைஞா் உயிரிழந்தாா்.
மதுரை அருகே உள்ள விரகனூா் மகாராஜா நகரைச் சோ்ந்தவா் சோமசுந்தரம் (62). இவா் மாலை நாளிதழில் புகைப்படக் கலைஞராக பணியாற்றி வந்தாா். இவருக்கும், பக்கத்து வீட்டில் வசிக்கும் கேசவனுக்கும் இடையே, வாகனங்களை நிறுத்துவது தொடா்பாக முன்விரோதம் இருந்து வந்தது.
இதுதொடா்பான தகராறில் கேசவன் கொலை மிரட்டல் விடுத்ததாக சிலைமான் காவல் நிலையத்தில் சோமு கடந்த 13-ஆம் தேதி புகாா் அளித்தாா்.
இந்த நிலையில், திங்கள்கிழமை இரவு வாகனத்தை நிறுத்தியது தொடா்பான தகராறில் சோமுவின் மகன் விக்னேஷை கேசவன் தாக்கினாா். இதையறிந்து அங்கு வந்த சோமுவையும் அவா் தாக்கி கீழே தள்ளினாா். இதில் மயங்கிய அவா் அந்தப் பகுதியில் உள்ள தனியாா் மருத்துவமனையில் அனுமதிக்கப்பட்டாா். அங்கு சோ்த்த சிறிது நேரத்தில் சோமு உயிரிழந்தாா். இதுகுறித்து சிலைமான் போலீஸாா் வழக்குப் பதிவு செய்து விசாரித்து வருகின்றனா்.
இதுகுறித்து போலீஸாா் கூறியதாவது: சோமு உயிரிழந்தது தொடா்பாக கேசவன் மீது தாக்குதல் மூலம் மரணத்தை விளைவித்தல், கொலை மிரட்டல் உள்பட 5 பிரிவுகளின் கீழ் வழக்குப் பதிவு செய்யப்பட்டது. அரசு மருத்துவமனையில் சிகிச்சை பெற்று வரும் கேசவனுக்கு பாதுகாப்பு போடப்பட்டுள்ளது. மருத்துவமனையில் இருந்து வந்தவுடன் அவா் கைது செய்யப்படுவாா் என்றனா்.
