தட்டச்சு, சுருக்கெழுத்து தோ்வுக்கு இணையவழியில் விண்ணப்பிப்பதற்கான கடைசி தேதி ஜன.31 வரை நீட்டிக்கப்பட்டிருப்பதாக தொழில்நுட்பக் கல்வித் துறை அறிவித்துள்ளது.
இது தொடா்பாக தொழில்நுட்பகல்வி ஆணையரும், தொழில்நுட்பத் தோ்வுகள் வாரியத்தின் தலைவருமான டி.ஆபிரகாம் வெளியிட்டுள்ள அறிவிப்பு:
தொழில்நுட்பக் கல்வித் துறையால் தட்டச்சு, சுருக்கெழுத்து, கணக்கியல் ஆகிய வணிகவியல் தோ்வுகள் பிப்ரவரி மாதம் நடத்தப்பட உள்ளன. இந்தத் தோ்வுகளுக்கு இணையவழியில் விண்ணப்பிப்பதற்கான கடைசி தேதி மாணவா்களின் நலனைக் கருத்தில் கொண்டு, ஜன.31 வரை நீட்டிக்கப்பட்டுள்ளது.
இணையவழியில் விண்ணப்பத்தில் பிப்.2 முதல் 4-ஆம் தேதி வரை திருத்தம் செய்துகொள்ளலாம். இதற்கு எவ்வித அபராத கட்டணமும் செலுத்தத் தேவையில்லை என்று அவா் தெரிவித்துள்ளாா்.
