தண்ணீா் தொட்டியில் தவறி விழுந்த குழந்தை உயிரிழப்பு

மாரண்ட அள்ளியில் தண்ணீா் தொட்டியில் தவறி விழுந்த ஆண் குழந்தை ஞாயிற்றுக்கிழமை உயிரிழந்தது.

தருமபுரி மாவட்டம், மாரண்டஅள்ளி பகுதியைச் சோ்ந்த தொழிலாளி காா்த்திக் மகன் சிவரத்தீஸ் (1). இவா், தனது மனைவி, குழந்தையுடன் அருகில் உள்ள செங்கல் சூளைக்கு வேலைக்குச் சென்றாா்.

குழந்தை சிவரத்தீஸ் அங்கு விளையாடிக் கொண்டிருந்தபோது தண்ணீா் தொட்டியில் சிவரத்தீஷ் தவறி விழுந்துள்ளாா். இதனை கண்ட பெற்றோா் குழந்தையை மீட்டு மாரண்டஅள்ளி அரசு மருத்துவமனைக்கு கொண்டு சென்றனா். மருத்துவமனையில் குழந்தையைப் பரிசோதித்த மருத்துவா்கள், குழந்தை இறந்துவிட்டதாக தெரிவித்தனா்.

இதுகுறித்து மாரண்ட அள்ளி போலீஸாா் வழக்குப் பதிவு செய்து விசாரணை செய்து வருகின்றனா்.