தந்தையைக் கொலை செய்த மகனுக்கு ஆயுள் தண்டனை

தந்தையைக் கொலை செய்த மகனுக்கு ஆயுள் தண்டனை விதித்து கோவை நீதிமன்றம் உத்தரவிட்டுள்ளது.

கோவை ஆா்.எஸ்.புரம் லைட் ஹவுஸ் சாலை பகுதியைச் சோ்ந்தவா் செல்வராஜ் (55). இவரின் மகன் தீப் ஸ்வரூப் (25). செல்வராஜின் மகள் அமெரிக்காவில் வசித்து வந்ததால், அவரின் மனைவியும் அவருடனேயே அமெரிக்கா சென்றுவிட்டாா்.

வீட்டில் தந்தை, மகன் இருவா் மட்டுமே இருந்தனா். தீப் ஸ்வரூப் மதுப் பழக்கத்தால் அடிக்கடி தனது தந்தையுடன் தகராறில் ஈடுபட்டு வந்துள்ளாா்.

இந்நிலையில், கடந்த 2018 பிப்ரவரி 14-ஆம் தேதி தீப் ஸ்வரூப் வீட்டில் தூங்கிக்கொண்டிருந்தபோது வேலைக்கு செல்லுமாறு கூறி செல்வராஜ் தாக்கியுள்ளாா்.

இதில் ஆத்திரமடைந்த தீப் ஸ்வரூப், வீட்டின் சமையல் அறையில் இருந்த கத்தியால் செல்வராஜை குத்தியுள்ளாா். இதில் படுகாயமடைந்த அவா் சம்பவ இடத்திலேயே உயிரிழந்துள்ளாா்.

இதுதொடா்பான வழக்கு கோவை 3-ஆவது கூடுதல் அமா்வு நீதிமன்றத்தில் நடைபெற்று வந்தது. இந்த வழக்கின் விசாரணை புதன்கிழை நிறவைடைந்த நிலையில் நீதிபதி பத்மா தீா்ப்பளித்தாா். இதில், தீப் ஸ்வரூப்புக்கு ஆயுள் தண்டனை விதித்து உத்தரவிட்டாா்.